:
[poem=font="Simplified Arabic,4,red,bold,normal" bkcolor="transparent" bkimage="backgrounds/27.gif" border="double,6,black" type=2 line=0 align=center use=sp num="0,black"]
أقول وينك ؟ ولا القى غير وينك في سكوتي وصال = سؤالي.. غيب شموس الوله حتى انمحى ظلي
ياليت القى عذر حتى ولو هذا العذر دجال = عشان اقدر اطمن مابقى من مابقى بكلي
غيابك يزرع عيون البكا في ضيقة الموال = و ينبت في طرف صوتي سؤال يقول انا من لي
تروح وانطوي كلي مع الذكرى وسط هالبال = توديني التفاصيل الشقيه لك وترجع لي
واقول الحال من بعدك ترى والله ماهي حال = انا الكايد ولكني غديت الحين ياسهلي
انا هذا الطريق المتعب المرهق من الترحال = تعبت ابحث على راحه تمد كفوفها لحملي
سفر هذا الطريق اللي قطع عمري من الاهوال = خلصت ولا خلص هذا الطريق اللي كسر رجلي
اقول لنفسي من تكثر جروحي حل ياحلال = احل ولاحسبت اني ادور حل في حلي
امر الناس في نهر النوايا وضحكة الاطفال = واصب كل النوايا البيض على من يستفز غلي
عجزت استقبل الكره الملون من ورى الاشكال = عجزت ازعل ولو مره ولو بس مره من اجلي
اعيش بعقل واهديت المحبه للبشر بهبال = واشوف ولا بقى حيي ٍ يعيش الحين في عقلي
بقيت انت وبقى ضو الكلام بداخلي لازال = ينادي يرتعش بأقصى عيوني يقول ياخلي
تعال ارسم على شمس السنين الحارقات ظلال = تعال اجمع بقاياي الجريحه وردها لأصلي
انا ويني اذا راحت عيونك وانتهت أمال = انا ويني ومن غيرك يشيل همومي../ بس قلي
اقول وينك.؟ ويتشظى صدى صوتي بوادي البال = يمر بين التفاصيل الحزينه ويختفي ظلي[/poem]
:
سالم سيـّـار
مواقع النشر (المفضلة)