الــ غ ــالــي....
الغالي اللي هويت وخـاب بـه ظنـي
اخطـا عليـه ومـر ايـام ماجانـي
مادام بـادي هو ولا جـاه الخطـا منـي
خلـوه يبعـد علـى كيفـه وينسانـي
والله ماأسأل عن اللـي ماسـأل عنـي
لو يحرق الشوق قلبـي لـو تحدانـي
ماقول انا في غيابـه صـرت متهنـي
وان قلتها من لسانـي يكـذب لسانـي
والله احبـه غـلا والشـوق جنـنـي
واحب حتى طعونـه داخـل احزانـي
كل شي فينـي بيـوم مفارقـه حنّـي
حتـى عيونـي عتبهـا بلـل اجفانـي
واكبـر دليـل بهـواه ومنزلـه إنـي
ماحـب غيـره ولا دورت لـه ثانـي
احيـان افكـر واقـول اجيـه لكنـي
الوم نفسـي علـى تعذيـب وجدانـي
تـرى المحبـه مـن الله مابهـا منـي
وشلون احبـه وهـو يبعـد ويجفانـي
وانا عنادي اشد مـن الصخـر كنـي
يلين بعضـه وقلبـي صلـب مالانـي
وارجع من اول واقول ان خاب به ظني
خلـوه يبعـد علـى كيفـه وينسانـي
حلفت ماأسأل عن اللي ماسـأل عنـي
لو يحرق الشوق قلبـي لـو تحدانـي
مع تحياتي....im21
رد مع اقتباس
مواقع النشر (المفضلة)