ياعرب حطو في بيته الزينه
ووزعوا كروت عرسه لجيرانه
احترق قلبي وشبت بساتينه
من عقب خلي مالت به اغصانه
شفت بعيوني له البيت بانينه
وافرشو السجاد الاحمر على شانه
واعذاب القلب كثرت سكاكينه
ضاق صدري من لواليش جدرانه
صفقن بالخمس ناس مهنينه
وارقصن بنات عمه بميدانه
والدفوف اركن بقلبي طواعينه
وزاد في كثر الزغاريد احزانه
كيف انا بنساه والكل مطرينه
وذكرياته داخل القلب مليانه
واعذاب القلب فارق مضانينه
من يرجع غايب القلب لاوطانه
ليت عيني بزفته مالمحت عينه
كان ماشبت على القلب نيرانه
كذبت عيني نظرها بمتنينه
لين شفت البشت الاسود على امتانه
ياعيوني ليه دمعك تهلينه
مايرد الدمع لاراح لاركانه
في زفافه ليت للقبر مودينه
يوم باع بكسرة انحاسه الدانه
وليتهم من سم عقرب مسقينه
من عقب ماجرع القلب حقرانه
ياعيوني انسي الي تمنينه
عشقك الي طاف صكيت بيبانه
عقب منتي ذروة الي تقدينه
في دروبه كيف هالعشق ماحانه
كل مامريت بيته ودربينه
تنزل الدمعه اليا شفت ديوانه
الود كان الموت لاشبو الزينه
شلت حزن تعتذر عنه ضلعانه
يالله انك تصبر القلب وتعينه
وتبري جروح من الضيم رويانه
ياعرب حطو على بيته الزينه
من يرجع مهاجر القلب لاوطانه
مواقع النشر (المفضلة)