,, تـدرٍي وٍش يقـهـرٍ الـقـلـب وٍالـرٍوٍح ؟؟
[align=center]السـلامـ عليكمـ ورحمة الله وبركاته
هذه قصيده اعجبتني ,، وآهـديهـا لـ .. ,’ ولكـمـ ..
واتمنى تحوز على رضاكمـ
[poem=font="Traditional Arabic,5,gray,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
هات القلم ياخوي في خاطـري بـوح=ودي اترجم لـي طـواري وهوجـاس
واخذ من الابيات سجّـه مـع الـروح=في معزلً مافيه مـا يزعـج الـراس
هذي أسـبـوٍعيـن والقلـب مجـروح=والفكـر شـارد والمعاليـق يـبّـاس
ويفوح في صدري همـومٍ كمـا فـوح=صفر الدلال اللي لها النـاس جـلاس
امشي علـى درب المقاديـر وانـوح=ويهيض وجداني ليـا هـبّ نسنـاس
سبة ظروفٍ تجهـد الحـال وتـروح=وتترك مواجعها على القلـب حـراس
تعبت وانا اشيـل والوقـت مشفـوح=يطوي سنيني دون رحمه ولا احساس
كني غريقٍ شاف موته على لـوح !!=تلعب به الامواج مـا صابـه اليـاس
ابني مـن الاحـلام بنيـان وصـروح=احلام ورديه غـدت مالهـا سـاس !
واطرد سراب الـلال واخيلهـا دوح !=مثل الذي فالدهـر للسيـل عسّـاس !
وازيف الفرحـه سواليـف وامـزوح=وامنّي الخاطر بـلا بـاس.. لا بـاس
تدري وش اللي يقهر القلب والروح ؟؟=انك تعيش العمـر محتـاج للنـاس !![/poem]
وسلامتـكمـ .. اختكـ مـ
آعنــاد[/align]
رد مع اقتباس
مواقع النشر (المفضلة)