عـــــافت العــــين شوفك
[frame="7 80"]هاف غصن المودة والورد به ذبل
واعصفت به الذواري وش بعد تحتريه؟!
جاك علمٍ أكيدٍ ما يغثه جدل
اوزنه في خيالك وانظر الحال فيه
السنافي تحيده قول قبله فعل
الوفا في عروقه..ما لشخصه شبيه
ما شربت المهانة ولا تقهويت ذل
وان حصل شفت موتي ؟..بالرضا التقيه!
أهون الموت عندي من وداد انهمل
عين قرّت بشوفه..ما تباكت عليه
وانته ياللي في قلبك اجتمع كل غل
وين عهدٍ قطعته.. وين وعدك تجيه؟
ماصدق فيك فالي يوم عنك جفل
غير سيف الخيانة يا بطل فزت فيه
أسأل الله ربي ما طلبتك عدل
والا ودٍ جمعنا رحمة الله عليه!
وان بغيت الصراحة ما يميل الجبل
لو دوت به البيارق والعواصف تليه
عافت العين شوفك والفواد اعتزل
ما لنا فيك رادة أو رجا نرتجيه
ألف نجم فسمايا وانته نجمك افل
والذي باع ودي ما برد اشتريه
أخوووكم:ي متعب الروح[/frame]
رد مع اقتباس
مواقع النشر (المفضلة)