مساء الخير على الجميع
بدون مقدمات صلوا على النبي




من يقول ان النسا كل النسـا متساويـات
التجـارب علمتنـي وفتحتنـي ونورتنـي
سامحوني وأسمحولي وأعذروني ياخـوات
الحكايه صدفه وحده جات عندي ونشدتنـي
بصراحه أنشدتنـي قـول رأيـك فالبنـات
لا أكذب لا أجامل فوق مصحـف حلفتنـي
قلت لحظه واستريحي وعالنبي الف الصلاة
ما ازور فالحقايق وانتـي الـي خابرتنـي
كان قصدش تحرجيني ويا احلى الكائنـات
شوفي قبلش كم وحده بالشطانه ما غلبتني
النسـا محـلا النسـا منقبـات وسافـرات
مره وحده اجرحتني وجات الاخرى عالجتني
البنات ألهـن مزايـا كامـلات وناقصـات
انتي مثلا يالعبيطه رغم جكرش عاجبتنـي
تعجبيني لا خفيتي شين خلقـش بالعبـات
وان تمايلتي شويه قلـت هـذي اذبحتنـي
من غلاكم ودي ارجع صوب عصر الجاريات
من غلاكم ودي املك كل وحـده ناظرتنـي
من غلاكم قال ناصر النسـا سكـر نبـات
من حلاكم قـال خالـد البراقـع اخلفتنـي
قاطعتني وهي تردد كل حكيـي مجامـلات
ابصراحه يا جماعـه هالهبيلـه ابلشتنـي
ضايقتني بالسوالف لين جبـت الصافيـات
وهي تضحك وتغامز تحسب انها غالبتنـي
ما درت اني مدافع عن حقـوق السيـداات
لو تحاول الف مره عن طريقي مـا ثنتنـي
افهمي بعض الحقايق واخذي العلم الثبـات
البدايه في سؤالـش والقضيـه هيضتنـي
كـم عاقـل جنننـه هالبنـات الناعمـات
وكم خبلن سنعنـه هـذي الـي اعجبتنـي
لا وطت بيتـن تعـزه للمراجـل رافعـات
الرجل قام يتباها بنـت ابوهـا ساترتنـي
محشمـات مأدبـات مصليـات وصايمـات
هن بنات وهن خوات وامي اللي ارضعتنـي
من غلاهم وصا ربـي بالنسـا المؤمنـات
وانتي جيتي يالهبيله في غلاهـم لايمتنـي
منهو يقدر يوفي حقن من حقوق الامهـات
والا زوجه في همومي شاركتني وقاسمتني
استدارت ثـم قالـت والنسـا الضايعـات
هـي تبينـي اتكلـم باللعانـه ضايقتنـي
كيف اخالف شرع ربي والنسـا محصنـات
لو يزل ألساني كلمه في جهنـم أحذفتنـي
اتركي الموضوع احسن يعني كافي مناقشات
ثم راحت وهي تتمتم يمكن انهـا افهمتنـي
وسلامتكم


اخوكم الشاقي