[align=center]قصيدة اعجبتي حيييييييييييييل للشاعر / فايز بن ماجد الحربي
وحبيت انقلها وان شاء الله تعجبكم هي طويله بس حلوووووهـ ننصح بقرائتها :confused:
وينها اللي كانت احلـى حلـم بالدنيـا خسرتـه؟!
وينها اللي في حياتي صارت أكبـر مستحيـل؟!!!
وينها اللي من سببها حتـى قلبـي مـا ملكتـه؟!!
صار لعبة في يديهـا بالعيـون وبالجديـل...!!!
اتركتني غصب عنها.. ليـت قلبـي لـي اتركتـه
ما اتركتني عقـب فقـده ..ضايـع ابليّـا دليـل
صرت أحب اللي تحبه ..واكره اللي هـي كرهتـه
صرت اشوف الكون كله.. عنـد طاريهـا قليـل
ساهـراً ليلـي دمـوع.. وليلهـا عنهـا سهرتـه
بس أنا والطرس نسهر للصبـح فـي كـل ليـل
حتى قافي لا تحـدى قمـت زعـلان و زجرتـه
وانتخـى بالصبـح يفـزع والصبـح ردّه ذليـل
والقصيـد اللـي كتبتـه ..يـوم بكّانـي رحمتـه
قلت أضمه وسط صدري لجل يبقـى لكـل جيـل
قال يافايز واصرِّف..! قبـل يسألنـي .. سألتـه
وش أحب من البحور اللي وضع فيـك الخليـل؟!!
قال أنا باحـذف إجابـة للسـؤال اللـي طرحتـه
بـس انـا محتـار والله .. بالمديـد وبالطويـل
قلت يالله لا تطول .. يبقـى كثـر اللـي حذفتـه
قال والله يا بـو ماجـد ..ودّي آزيـد الحصيـل
والصراحة هالسـؤال ولـه جوابـاً مـا عرفتـه
حارماً عيني تنام وما حصل لـي لـو مقيـل...!
يا رفيقي لي ثـلاث سنيـن نومـي مـا اغتنمتـه
يستر الله .. ما اتحـوّل تالـي أيامـي .. هبيـل!
لكن اسمع .. باتصل لي بصاحبـن ليَّـه ذكرتـه
الجميـل اللـي بجيلـه مـا خُلِـق مثلـه جميـل
دامـه الهامـك ويامـا فـي طواريقـي كتبـتـه
خلنـي اسـال حبيبـك علّـه يــرد الجمـيـل
قلت أنا قصدك فلانة؟!! قال أيوه ..! قلـت شفتـه
حلـم فيهـا منـه خايـف خلنـا نجيـب الدليـل
واتصلنا و ردّ واحد..!! قـال حكيـاً مـا فهمتـه
مادريـت الا وعينـي تمنـع الدمعـة تسيـل ..!
قال شعري : يا خسارة!! كيف اصدق ما سمعته؟!!
الثرى ضم الثريـا فـي غيابـك يـا سهيـل...!
كـل حرفـا كاتبـه فيهـا يجـاوب لانشـدتـه
أرمني فـي مهمـلات الذاكـرة عـن كـل قيـل
وان بغت تطلب وصالـك يـوم خافقهـا أسرتـه
خلهـا تشقـق شعـور الشاعـر الشهـم النبيـل
قلتهـا تذكيـر والا عــز راســك ماخذلـتـه
حتى لو كنتـوا حبايـب أنـت هاللحظـة دخيـل
وادركت نفسي خسارة حلم.. بالماضـي رسمتـه
حبها ليه ايحيـا بـي ؟! حبهـا أصبـح قتيـل..!
ياقصيدي قل لهـا هـذا الطريـق اللـي اتخذتـه
ماالتفـت للخلـف وآنـا عنهـا أعلنـت الرحيـل
ولو يفكر ..فيها قلبي.. عقب هاللحظة .. قتلته..!!
قل لها مانـي مـن اللـي يقبـل الحـب الرذيـل
لو خسرت اللـي خسرتـه كبريائـي ماخسرتـه
لاتحاول بالأصيل ..ابن الأصيل.. ابـن الأصيـل
تحياتي لكم :*[/align]
مواقع النشر (المفضلة)