[grade="00008B 008080 A0522D B22222 4B0082"]مابيك بالقوه ..ولابيك بالطيب
أبيك من كيفك تحس بحنيني
مابيك تقبل باخر العمر وتغيب
أبيك دايم بين رمشي وعيني
خذني وغربني عن الناس تغريب
مابي اشوف انسان غيرك بعيني
ياعيون الكون لاتضايقت قلي
عشان أحس بضيقتك وأتضايق
يكفي تلمح لي وأنا أجيك كلي
أضيق من شانك ولو كنت رايق
احنا اتفقنا نشكي لبعض ياللي
تخفي بضحكة عيونك حقايق
انا صديقك لا قسى الوقت واكفيك
ولاني من اللي وقت المصالح يجونك
اعزك يا صاحبي بكل مافيك
ومن كثر مااعزك صرت اعز اللي يعزونك
افتخر لاقالوا اني مخاويك
يامنبع الطيب قلبك والصفا في عيونك
قلبي اصيل وماضي الحب ماانساه
والصاحب الغالي تشيله عيوني
اشتاق له واشفق لصوته وطرياه
واقول هو دنياي وشموع كوني
رفيق دربي ماتناسيت ذكراه
لو العرب في رفقته يعذلوني
من نسى في زحمة الدنيا رفيقة
قلت له عندي رفيق مانساني
لو يطول الوقت ويطول طريقه
ادري انه لو يطول البعد جاني
بيني وبينه على العشرة وثيقة
ان بديته بالغلا والا بداني
صرت عنده بالغلا حسبت شقيقه
هو بعد غالي ومن حسبت اخواني
والله ماأنسى صاحب مانساني
لو طالت الغيبه وضاعت نواحيه
يبقى معي مابين قلبي وعيني
والنفس من بد المخاليق تغليه
وأنشد عن أحواله بعاصف سنيني
وأرتاح لازانت وطابت لياليه[/grade]
مواقع النشر (المفضلة)