(عندما تتناثر قشور البردقان ).
إنتحرت
عندما ضاع الأمل
والسبب
تـكوة شيّاب في ذات عصرية
ضاعت الحقيقه
وضاقت بوجهي السبل
وبكل بساطه
قررت
الإنتحار
عندها تاهت خيوط الحقيقه
وسُجلت القضيه بإسم مجهول
تــكوة شيّاب في ذات عصرية
لا يجيني واحد خسيس ويغيّر حرف التاء الي حرفـ(ن) ثاني ثمن تنقلب معنى الكلمه رأسـ(ن) على عقب... ترى اللي بلقلب بلقلب وحوسة الأخلاق ما نبيها هنا.. كلن يمسك حدوده ... واذا هو اخلاقه شينه فأنا و موضوعي بريئين منه .. :8ar:
خن اسرد لكم الماضوع من ( المؤخره ) للمقدمة لأن الشيء الوراني
يحسسك انك مختلف عن عقلية البشر..!! :8ar:
8
8
الله بالخير يامشرفين... ( طيب وخروا الماوس عن لوحة تحكمي ) :8ar:
الزبـــــــدة
ولو اني مقاطع هالزبدة بس دام المجد تجيب اعلاناتن لها بالتلفزون فالمطاوعه مهوب احسن مني يا نقاطع جميع يا ناكل جميع اما اللي اتفرج فيهم وهم ياكلوا فذي كثروا منها :8ar:
1
انصحكم نصيحة لله أي شايب عمره تجاوز الستين لا تقعد معه اكثر من 10 دقايق يعني ممكن تصب له القهوه ثم تستاذن منه ..
خاصه اذا كانت حرمته ميته ..كود يصير لك مثل اللي صار معي بس الحمدلله طبيت في شايبن يخاف الله ومسح سعبولته على رقبته وحلف لي انه ما يعلم احد .
2
85 في الميه من شيّابنا كملوا تعليمهم الليلي ... وثلاث ارباع الخمس والثمانين في الميه ماعندهم اولى ابتدائي والبقيه معهم النصف الاول من ثاني ابتدائي .. اما فيه شايب قعد ثلاث سنين وهو كل سنه يسجل بأولى ابتدائي ثم يدرس يومين وينحاش لين نشب بالأسهم..؛:8ar:
... صار الأول على الفصل وكل يوم يورينا دفتره مرسومن عليه نجمه ومكتوبن على الدفتر وفقك الله يا بني ( حتى يقولون مرته صارت تعطيه المصروف... و تأكله شابوره الصبح وتشربه حليب( وداي فاطمه ) .
المهم انه هج من الكرسي اللي بركن الفصل وصار يقعد قدام وقابض يدينه وحاطهم فوق الماصه يقالك مؤدب ومع الايام صار اكبر هامور بالأسهم ترى هو اللي خمكم في الإكتتاب الأخير خخخخخخخخخخخخ:8ar:
4
ربعنا طبوا بذي الأسهم على عماها يحسبون كل التجاره مثل سوق الغنم بع بع واشتر وخسروا مبالغ طائله لو صُرفت على الصومال او البوسنه والهرسك او صرفوها على اخواننا المسلمين في افغانستان كانت خير عون لهم في حياتهم المآساويه
<=== جزاك الله خير :8ar:
5
الزبده اللي مكتوبتن فوق مال امها علاقة بموضوعي..ولا العنوان له دخل..!!!
مير حبيت اواسي بعض من خسر اموالهم في سوق الأسهم
6
هاك اليوم تجمعوا شيّاب الحاره عند الوالد وقعدت اقهويهم وكل ما قضى شايبن من فنجاله زندته بالثاني وعقب ما قضت ثلاث دلاليل .. لا ما تجي .. ثلاث دلالات برضوا ماتجي...!!!
( شلون تنجمع الدله؟ )
المهم قضت ثلاثه دله <====== أسلم يالهندي ....واجلس جنب شايب ويحط يده على ركبتي ويرفع شوي على فخذي..!!!ويسألني عن الوظيفة.. :8ar:
.. طيب وخر يدك علشان اعرف اجاوب .. والله يا عم انا شغال بشركة ..
افااا يا ذا العلم شغال بشركه وخر وخر لا تجلس جنبي وانا احسبك عسكري !!
ليه ناوي على سلف يبو الشباب ترى ما أسلّف ..:8ar:
قال..طيب وكم راتبك؟؟
.. نزلت عيني للأرض تسنه قالي وش اسم امك ..:8ar:
راتبي 1500 ..
وراه الراتب قليل؟! ..
الله البلشه ذا الشايب حاطن عيني على بنته وعقب ما درى عن راتبي عزالله بنته بتطير من يدي .. شف شف ياعم ترى صحيح راتبي قليل بس انا مرتاح نفسياً والراحه النفسيه اهم من الدراهم ويمديني افك بيت واثثه واشتري موتر مير انت توكل على الله..
و شف رأي البنت
قال : هاه وش تقول ؟!
قلت ابد الله يسلمك
واستاذن منهم
واروح غرفتي واقعد اضرب بيدي في الجدار .. ليه ليه ياربي ليه وانا وش سويت بدنيتي !! موظف بشركه .. قلت ما يخالف .. راتبي قليل .. وقلت ما يخالف ..وحسام خويي يسحب علي وصار يسهر مع شلة سرابيت مدري وش يسوون فيه قلت ما يخالف ... لكن تطير حصه من يدي لا لا لا... انا لازم انتحر ... واربط شماغي بالمروحة وارقى على كرسي والف الشماغ على رقبتي وقلت
اشهد ان لا اله إلا الله وانا محمد رسول الله
ثم ادف الكرسي برجليني واطيح على الأرض و تنخلع المروحه من السقف وتصفق براسي..
( يلعن امها ما ثبتوها زين )
<===البلا منك يالدب
ناظرت الجدار .. قلت مالي إلا اجي مدرعم ثم اصفق راسي فيه واموت ... واطلع الشارع علشان يوم اعدي وانا ماخذ مسافه تصير الصدمه بالجدار قويه وافكها سبرنت من الشارع وارقى الدور الاول والثاني الين وصلت التاسع ( وين يبو الشباب بالفيصليه؟ ) علشان اصدم بجدار غرفتي وكمخخخخخ بالجدار ثم اهده واخش على خواني بالغرفة الثانيه مادريت إلا وانا بحضن امي ومافيني شي .. يلعن ام القهر ما مت .. امي تسألني وش بلااك يالمطفوق هديت جدار البيت .. اقول وخري انتي سبب تعاستي بهالدنيا .. لو انتس متزوجتن واحد فلسطيني يمديني هلحين دافور بالدراسه ...ولا متوظف احسن وظيفه بـ10000 ريال
واخش غرفتي مع الجدار المكسور
هلحين شلون انتحر؟ ... وافك دريشة الغرفه واناظر للسيارات من الدور التاسع تقل نمل يمشي على الأرض والسكه تقل شخطة قلم اسود اشوفه من بعيد حتى مااشوف الناس من كثر ارتفاعي عن الأرض والسحاب يمشي جنبي وصرت اخم منه وآكل
قلت بس.. هذا الحل الوحيد اللي يخليني ارتاح من العذاب اللي عايش فيه وارقى على الدريشه ثم اطلع رجليني وامسك حافة الدريشه بيدي تسني ابطب من حوش المدرسه واقعد ساعتين انزل رجل وارفع رجل واناظر تحت يـُمه ...
وش بيصير فيني اذا حضـّرت بالرصيف ؟ وقسم اتقطع عشر اوصال واصير خط مشاه .. يووه يالحسة المخ .. عاد الناس يوم شافوني من الدور التاسع تجمهروا تحت والدفاع المدني يصارخ بمكبر الصوت تعوذ من الشيطان يبن الحلال واللي تبيه بنسويه لك .. قلت ايه هين عشر ملفات عندكم ابي وضيفة جندي ما لقيتها حتى لو مسكتوني (لّي) الماء ولا ذا المكبر اللي تنادون منه وش بتخسرون هاه وش بتخسرون ؟
اقول والله اني منتحر منتحر والله لا يعوق بشر بس انتم وخروا من تحت كود اطب على واحد منكم ثمن يموت وتتهموني بقتله تراي مافيني حيل للسجون والمرمطه وانا انسان محترم ماعمري دخلت اقسام شرطة ولا طلعت جمس الهيئة ..
وش تبي الناس يقولوا عني هاه ؟
وبعدين لو هونت وغيرت رايي اكيد الناس المتجمهرين بيقولوا ذا بزر وماعنده سالفه
<==== تفكير عرابجة
قلت اشهد ألا اله إلا الله واشهد ان محمد رسول الله
واصارخ على المتجمهرين الملتقى الجنة... الملتقى الجنة...
<==== وين يبو الشباب طاب على الفلوجة..!! :8ar:
واطب من الدور التاسع وانا نازل اشوف من درايش الشقق الحرمه اللي قاعده تتروش واللي منسدحه واللي قاعده تلبس ..واللي قاعده تفصخ
ولّي قاعده ( ولا اقول بلاشي اخاف يزل لساني واقول تسوي حركات شينه مع الخدامه ) :8ar:
يلعن ام القهر تمنيت اني طاب من الدور العشرين علشان اتفرج على النسوان وكل ما احضّر بالأرض ارجع مرتن ثانيه وانتحر
وصلت لدور الثالث ثم الثاني ثم الأول ما بقى بيني وبين الأرض غير 10 متر واناظر بالأرض إلا وانا محظر في كبوت مرسيدس واهشم الكبوت تقل صادم له في حاشي
وتنفقع كفرات السياره ويتكسر القزاز ويموت صاحب السيارة
ويغمى علي خمس دقايق ثم يرفعوني المتجمهرين
وجالسين يسوون لي حركات شينة .:8ar: . وش ذولي الناس الواطية..
حتى الميت ما يرحمونه؟
يووه هذولي ما يخلون الواحد يموت على راحته واصحى وادف يد بزر ..
يلعن امك وخر يدك وارجع اموت مره ثانية..!!
ويسدحوني على سرير الاسعاف ثم يركبوا لي الاكسجين
وشوي فتحت نص عين والناس تنادي الله واكبر الله واكبر
وافتح عيني الثنتين واناظر في الإسعاف من جوّه ..واتمتم بصوت واطي لا عدمتك يابووي حطيتني في قبر مكيّف .. ايه هلحين الواحد يرتاح من العذاب اللي عايش فيه
.. إلا وسواق الاسعاف يمسك بيدي ويقلي الحمدلله على السلامه ..
الله لا يسلمك وش فيك يااخي لايكون بعدني حي والطم نفسي كف حسيت بألم يلعن ام القهر ما مت وافك الاكسجين من فمي وامشي لوايت الدفاع المدني وانسدح تحت الكفر واقول للعسكري انتسان فيك خير انت وابوك ادعسني يا حيوان اصلا انت وابوك واللي ربوك كل ابوهم ما يسوون نعالي . ياكلب يا خسيس .. ادعس يا جبان ادعس
<====الطمه كف احسن..!!!
والسواق رافض .. قلت انا اوريكم يا عيال اللذينا...
واطلع الوايت وافك غطا الخزان واطب بداخله ويصفق راسي بقاع الخزان اثره فاضي مابه مويه .. يلعن اشكالكم افرضوا اني يوم طبيت من الدور التاسع وصفقت بالسكه وطلعت ( شراره ) ثم احترق الشارع باللهي شلون تطفوا الحريقه؟ والله لشتكي لــ نايف بن عبدالعزيز << انحاشوا جاب العيد :8ar:
واروح البيت مطئطئ الراس افكر بهذا الموت اللي لم يأتني
واقعد افكر وافكر... (( يبي يقنعكم ان معه مخ )...:8ar:
)وافكر وافكر وشلون اموت ؟
واقعد افكر وافكر وافكر
<=== خلاص يبن الحلال اقتنعوا ان معك مخ وجالس تفكر :8ar:
وافكر وافكر ..
هاه اقتنعتوا ولا بعد افكر؟ :8ar:
(صحيح لا طاح الجمل كثرت سكاكينه)
ما يستفاد من ذي الخمبقة
بعض الشباب هداهم الله من اصغر المشاكل وابسطها يفكروا بالإنتحار تسن ماهنا حساب بالقبر ويوم القيامه!! وبعد المفروض من كبار السن يشجعون الابناء على الانخراط في القطاع الأهلي حتى ولو كانت المغريات بالنسبه للحكوميه لا تذكر و مع مرور الوقت سيكوّن هذا الشاب المتوظف بالقطاع الأهلي مستقبل وآفاق واسعه لا حدود لها سواء بالتجاره او بغيرها من المجالات بعكس الحكومي وخاصه العسكري..
لأن حياته العمليه ستبقى محصوره في مجال عمله ولا يستطيع حتى ان يفتح سجل تجاري او امتلاك سيارة أجرة..؛
<== ماهو منك هالكلام...!!!
وأياني واياكم سوق الأسهم لأنه مقبره الأغنياء ومحرقة الفقراء
<===وقسم انها حِكم ودُرر..يبووو :7ar:
واللي ملزم على الغنى السريع والفاحش...يبيع حشيش :8ar:
وفي الختام
اسل الله الهدايه لي ولكم ولجميع اخوانا المسلمين
<=== جزاك الله خير
عسى ما امغصت بطونكم بمصالتي...!!
<== أطلع برا
@@@@@@@@@@@@@@
مواقع النشر (المفضلة)