........ هـــــدد وارد اليــــــابــــــان

[قاسي وراسي]

اخواني واخواتي الاعضاء منهم والزوار

السلام عليكم ورحمة الله وبركاته ....

فينا من كتب عن الغزل وعن المدح وغيره وغيره من القصائد
وكلنا نعلم بان القصائد هي كالتصوير او التشبيه او الرسم عن مافي مخيلت الشاعر
ولكل منا له حياته الخاصه وهوياته ورغباته
ومنا من يعشق الصيد سواء بطير او بسلاح
ومعضمنا يعلم بان في الوقت الحالي هو موسم لعبر الطيور المهاجره بانواعها
مما ارغبتني بنات فكري بان اكتب لكم ماهو في جوف الصدر ما اود به ...
وانا اعبر لكم ما ارغب به بكلمات بسيطه واضحه اتمنى ان تحول على رضاكم وان تنال اعجابكم



[poem=font="Simplified Arabic,5,red,normal,normal" bkcolor="burlywood" bkimage="" border="none,4,gray" type=1 line=0 align=center use=ex num="0,black"]
الليل كله وانا سهران = والهم بالجوف كانيها
لاطب ينفع وانا مرضان = والموت لاحل طاريها
تركي مشينا نبا الصمان = نبغا مناخ وضواحيها
بسوق رجلي مع الخليان = والعين بالجو احليها
واقف على مرقب الضلعان = اغدي جروحي نداويها
وان طاب فالك وحظك زان = صيد الحباري نضويها
معنا الخوي فالح وسلطان = خوت هل الطيب نبديها
لو الخوا تنعرض بثمان = كسب لنا يوم نشريها
جهز هدد وارد اليابان = وتوانك الجيب ماليها
وعلى الهدد طيرنا شفقان = ألثندوت خرب يفريها
ومع فجة الصبح تو مابان= ألا وحنا بحراويها
ثم أخطره مع شطب جيان = برض ٍ دمث رمثها فيها
ولامن طلع واركبه شيطان = أعطه سبوقه يلاحيها
ثم قام يغرف بهالجنحان = صامل عليها يباريها
هد السعد هدته حوران = لاقام يحدا وناويها
ثم علق الخرب ياكحيلان = يازينها يوم يدميها
هذي طراتي وانا هيمان = أغدي جروحي نجليها
وان شان حظك وفالك شان = أوسادتك لا تخليها
وان جعت من عندك الدكان = الف ٍ وميه وتشويها[/poem]
في 20/10/1427هـ



قـــــــاسي وراســــــي

[فوز]

واقف على مرقب الضلعان
اغدي جروحـي نداويهـا
وان طاب فالك وحظك زان
صيد الحبـاري نضويهـا

^
^

صح لـ س ـانك عدد ما خطت اقلامك

قصيده في قمة الرووووعه

لا تحرمنا جديد نزفك وبوح قلمك


فــوٍزٍ (( بنت البدوٍ ))

[عبدالرحمن بن عمير بن حميد]

قاسي

صح السانك ولاهنت على هذا النزف

تحيتي لك

[الحوراء بنت نجد]

تركي مشينا نبـا الصمـان
نبغـا منـاخ وضواحيهـا

بسوق رجلي مع الخليـان
والعيـن بالجـو احليـهـا

واقف على مرقب الضلعان
اغدي جروحـي نداويهـا

وان طاب فالك وحظك زان
صيد الحبـاري نضويهـا


عزالله أنك راعيها---- الفروسيه والصيد والأصاله جمعت


كل معانيها في هذا الموسم الذي نرقب تبكير الوسم فيه


وحينها يكون للصيد بجيان الصمان له متعته التي لايعرفها


سوى من عاش في مرابعها----


صح الله لسانك--- والله يسعدك وتبتعد (الف وميه وشويها )


وتستمتع بالسمين في مراعيه---


هلابك في جديدك العذب---


الحوراء بنت نجد

[فهد بن حنس]

الاخ الشاعر قاسي وراسي
صح الله السانك
شاعر مبدع
خليتنا نخرج من جو المنتدى الى حيث الفياض
والجو البديع والفسيح فيى تلك الديار

كلنا وكلهم هنا يعرفون شاعريتك العذبه
وانا والله ما اعرفك شخصيا
لكن ليعلم الجميع ان قبيلتك من اكبر قبايل اعتيبه فيى حب الفروسيه والمقانيص
والكرم وجميع ما هو غانم

اخوك
فهد العصيمي العتيبي