هذا مايحصل في باص ابو علي لنقل المعلماااااااااات

[çяγzǝ нïlɑlγ]

بسم الله الرحمن الرحيم ..
اقسم بالله العظيم .. ان اغض بصري واغمض عيني ..
وان لا اُناظر المدرسات وهم يركبون أو ينزلون ..
وأني مالتفت وراء حتى لو كنت اباريوس ..
وأن اوقف قدام الباب بمترين علشان ما أشوف المدرسات وهم يطلعون ..
وأن لااتكلم أثناء الرحلة من والى المدرسة ..
وأن لااجلس بالسيارة اذا كان بها مدرسات وانتي ماركبتي ..
والله على ما اقول شهيد
..

{ هذا القسم اللي يؤديه ابو علي لأم علي علشان تسمح له انه يشتغل بنقل المعلمات }





بعد ما ادى ابو علي القسم .. راح للمعارض واشترى بااااااااااااااااااص ..
وكتب عليه (( ابو علي .. لنقل المعلمااااااااات ))

ولصق اعلاناته على جدران مدارس البنات وعلى بيبان الكليات ..
وبعد اسبوع اكتمل العدد .. وبداء ابو علي وحرمه المصون بنقل المعلمااااااات ..

عند الاشارة تكون الساعة الخامسة واربع وعشرون دقيقة وثلاثون ثانية ..
خخخخخرررررررررشششششششششش <<((== هذي الساعة قامت تخرش ..

قامت ام علي ورفست ابو علي وقالت له قم يالله تأخرنا على المدرساااات يالله يمدينا نقعد نقشقشهن هاللحين ..

قم يالله انت ووجهك لاتقعد تبلشنا ابله فوزية مثل امس .. تصير متهاوشة هي ورجلها وتحط الحرة فينا ..

قام الدرايفر ابوعلي .. وغسل وصلى الفجر ومسك الطااااااره ..
ومن حاره لحاااااااره .. بس مافيه تفحيط وعيارة على قولة حامد الضبعان ..
وتبداء معاناتهم اليوميه ..


*** *** ***


طططااااطططط .. طططااااااااااططط .. هذي أول وحدة ابله نوره ..

وجت ابله نوره ويوم ركبت قاله ابو علي ..
ابله نوره ياعيوني ياللي لابسه الليموني ..
تصكه ام علي بطرااااق مع علباااااااته وتقولوه خير انشاء الله وش جاك .. وين الحلوف والايمان .. يالله سق بسرعة لانشب سنونك بالدركسون ..

مشى ابو علي وهو خايف ..
وابله نورة تضحك عليه ..



*** *** ***



وبعد خمس دقايق ..
طططاااااااااططط .. ططططاااااااططط .. ويوقف عند بيت ابله لولوه ..

وتجيك ابله لولوه مسرعة وعباتها طايرة وراه .. وتبي تركب وتمسط عند الباب وتقوم وتركب ابله لولوه وهي مسرعة وتقول أوف اعوذ بالله عجزت اطلع من هالولد بس بساقتي حتى دفتر التحضير من السرعه نسيت اجيبه .. سلااام عليكم يابناااااات ..<<((== وش عقبه السلاااااااام توها تفطن .. عقب ما اعطتهم الموجز ..

ويبرق ابو علي بالحوش اثر ولده سليمان يركض وراه ويصيح والشغالة تركض ورى سليمان وتمسكه عند الباب ( تئالي .. ماما الهين يجي )




*** *** ***



وبعد سبع دقايق ..
ططططااااططط .. طططاااااااططط .. ويوقف عند بيت ابله نوف ..

وتطلع لك هاك الدلوعة اللي يالله يالله تمشي ..
مغرورة وشايفة روحها علشانه مدرسة رياضيات .. صايرة زبده ..
ولا تبي أحد يقرب لها ودائماً مزكومة ومنديلها بمخباتها ..
ومهبلة بأبو علي اذا جاء الحساب .. تطلع روحه بالجذور والكسور وس+ص
عاااااااااد ابو علي يسميه ابله ( نق تربيع )
وركبت ابله نوف وقبل تقعد تنفض المرتبه وتفرش منديل وتقول صباح الخير وتقعد ..
ويمشى ابو علي ..





*** *** ***


وبعد ثلاث دقائق ..
ططططاااااطط .. ططططااطط .. يوقف ابو علي عند بيت ابله نوره ..

عااااااااااااااااااد ابله نوره توها معرسه ..
كل يوم تركب وعليه طقم ذهب جديد .. واذا ركبت بدت توري هالمدرساااااات الطقم اللي عليه ..
شوفي هذا من خالتي أم زوجي .. والاهذا من بنتنا هيله ..
واذا صار الطقم غالي قالت .. هذا من عمتنا اللي مع العثيم ..
وكل يوم شنطه جديد وجزمة جديده ..
وتشوف زوجه ياقف له عند الباب الين تركب الباص .. ماينلاام يخاف تنخطف دافع فيه 50 الف ..
وماغير مطلعة هالمراية وإتكحل واتمكيج وحالته حاله .. ناسية الناااااااااس ..



*** *** ***




وبعد ست دقايق ..
طططططااااااااططط .. طططططاااطط .. يوقف الباص عند ابله فطيمة ..

عااااااااااااد ابله فطيمة مسوية رجيم ..
من قبل ماتركب تشم ريحة الخيار وهي عند الباب
ماغير تقرض بهالخياااااااااار ماتسمع الا جغ جغ وفسحته موز ..
تقول متطنزه بقرد يادافع البلى ..
وكل شوي وهي ملتفتة على اللي بجنبها وتسألها أقول مانحفت شوي عن أمس ..
والله ياهي دبلت تسبد .. همن تقوم وتقعد على هالكرسي .. تقول ابسوي رياضة ابنحف ..
وتجيها ام علي وتقولها يابنت الحلاااااال اجلسي والا والله اني لااربطتس بحزام الأمان .. همن تقعد ..





*** *** ***



وبعد أربع دقائق ..
طططططااااااااططط .. طططططاااطط .. يوقف ابو علي عند ابله حصه ..

وتجي ابله حصه مطنقرة معه ..
وتسأله ابله نوره وش فيك شكلك مانمتي زين ..
و تقولها ابله حصه .. ايو والله مانمت زين ..
خالتي جايه عندنا راح ابونا وجابها ..
وكل شوي .. ودين للحمام جيبين ..
ودقيلي على نورة الدحيم ابشوف بنتها وش صار عليها ..
ودقيلي على عايشة الحمود ابشوف عن رجلها هو جاء من البر أو لا ..
وأخر شي تنبطح وتقول همزي رجليني ..
والعشاء ( حكم ) ماتبي الا هامبورقر تصليح البيت ..
أنا قايلة لأبونا لاتجيبها الا اربعاء وخميس وجمعة ..
.. وهاللي تشوفين مانمت ..




*** *** ***



بعد عشر دقائق ..
طططططااااااااططط .. طططططاااطط .. يوقف الباص عند بيت ابله بدريه ..

وتطلع ابله بدريه وتركب وعيونها بجبهتها ومحمراااااااااات ..
وتقعد وفيها الصيحه ..
ويقولون لها وراك ياكاااااافي جاية كذا وين قشك الدفاتر والكتب ..
عااااااااااد تنفجر ابله بدرية وتقول ..
ابونا امس عنده رجااااااااال ولا راحوا الا بنص الليل ..
وهذي دلة رايحه وهذا ابريق جااااااااااااااي ..
وماصححت الدفاتر ولا حضرت لدروس اليوم ..
ومايبي العشاء الا من البيت ..
قضى ليلي وأنا اسبع بهالمواعين ..





*** *** ***



وبعد ثلاااااااااث دقائق ..
يوقف ابو علي عند باب المدرسة ويقول .. يالله يابنات وصلنا ..

و ام علي بطراق مع جبهته وتقولوه .. وش حنا قايلين ..
مالك دخل انت تسوق وتنثبر وبس ..

يالله يابناااااااااات وصلنا .. يالله حولو ..


والسلاااام ائليكم ..
جوق بي جوق ..

[آهات الحزن]

هههههههههههههه اما ابلة فطيمة شي هههههههههه

تسلم اخوووي عالموضوع وربي يعطيك العافية


اختك ,,

آهــات الحــزن

[كاتـم الآهــات]

:8ar:

:16ar:

[خوية قلب طيب]

ههههههههههههههههههههههههههههه


من جد اللهم لا طنازه


مشكوررر

[عبادي يهبل]

ياذآ المدرسـآت .. همن على همـ .. :8ar: