عزيز النفس ( قمه ) صوتيا
[rams]http://3ashaq.o-f.com/nafsy_3zeezah.ram[/rams]
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لغير الواحد الموجد أبد ما ينحني راسي=أنا نفسي عزيزه ما خلق منهو يوطّيها
ولا أقبل على نفسي أنزّل قدري وباسي=يهون الجرح واتنازل عن الدنيا وما فيها
كريم النفس والنخوه سكبها " الوالد" بكاسي= و " أمي " أرضعتني الجود وارخت في تفانيها
حسبت إنك حبيبي وكل عشقي وأهلي وناسي=حسافه.. كنت في عيني ولكن .. شوف تاليها
تبيني أوهبك عشقي .. وإنته داله وناسي= ألا يا ناكر العشره ولا تفهم مباديها
تجاهلت الغلا والحب وهان بعينك احساسي=فديتك يوم كنت أول فروض الحب توفيها
ولكنك تغيرت وخبرتك شامخ وراسي=ألا وش غيرك قلي .. سواتك من يسويها
عجزت افهم سبب بعدك وليه إنك علي قاسي=تعلمت الجفا منك ولا ادري وش خوافيها
تحيّـر قلبي بهجرك وتكسر بالهوى فاسي= وتوغر بي جروحٍ ما لقيت اللي يداويها
سهامك أثرت فيني وخلت كل جلاسي= يهابون الهوى سبة سهامٍ منْـك أعانيها
تغير طبعي وشكلي وحتى تعبت انفاسي= وقصة حبنا أكره تجيب الناس طاريها
كرهت الحب واشواقي وعشت بظل هوجاسي=وصدق العاطفه فيني تدوّر من يدفيها
أحس البرد بعظامي .. وكلي منّـك يقاسي=عجيبه .. كيف ما همّـك همومٍ منْـك أقاسيها
أبي أعشق بديلك مستحيل أستسلم لياسي= فشلت بتجربه وحده .. ولا أنوي أثـنّـيها
وبالقا غيرك يقدّر .. واحصّـل فيه نوماسي= عسى الله يجبر الخاطر .. ونفسي ما يدنّـيها
فمان الله أنا برحل ولابي عقبك امواسي= أنا نفسي عزيزه ما تدوّر من يواسيها[/poem]منقول
للشاعر محمد الزعفران
رد مع اقتباس
مواقع النشر (المفضلة)