طا ئره البوينق الى برلين
الله حسيبي , على البوينق واللي به
عندما حلقت طائرة البوينق 737 من الرياض الى برلين لم اتوقع ان الستين يوم الفاصله
بين الاقلاع والانقطاع كفيله ان اتهيض بهذ القصيده
[poem=font="Simplified Arabic,6,white,bold,normal" bkcolor="purple" bkimage="" border="none,4,gray" type=3 line=0 align=center use=ex num="0,black"]
ياغايبٍ عن وطنا طالت الغيبه = ما تدري الحال عقبك وش جرى فيها
خليتني منسبه ! والنوم ما لي به= ليل امس واعي وليل اليوم واعيها
من شافني قال عايش ,, هم , ومصيبه = راحوا , اخوانه من الدنيا وما فيها
امشي مع الناس ما دري ويش تحكي به = واضحك واجامل وانا اللوعات مخفيها
ما عاد لي بالقصيد اللي اماريبه= ولا عاد لي بالرياض وعيشةٍ , فيها
دنياي , حلوه , وضحوكه , ولعيبه= لاكنها , سااامجه لاغاب غاليها
نار المفارق توقد بي لواهيبه = لا وآعذابي من الفرقا , وطاريها
فرقاك يانور عيني صارت امهيبه= فرقاك ستين يوم وليل اعانيها
ما غبت عني احب اسمك واناديبه= واذكرك في كل ليله من لياليها
اذكرك بسمك ضحى واذكرك في الغيبه= واذكرك حتى بصلاتي يوم اصليها
تكفون !!!! ياعز راسي يامعازيبه= لهايب الجوف منكم من يطفيها
انا اعرف ( السلم ) واقدر , مواجيبه= لا شك نفسي قزت , وازريت آعابيها !!!
والله يلولا , الحيا , والناس والغيبه= لانثر ادموعي على اللي غاب وابكيها
والله يالولا الحيا يالبرج اعديبه = وارقا , على قمته واصيح ,انا ديها
والله يلولا الحيا لاصيح ( لعتيبه ) = واطلق اقيود الحبيب اللي شبك فيها
مشاعل الروح دارت , بي , لواليبه = يحالي لريم والقمراء , يحاليها
ومن الادب ما تبختر في جلا ليبه = يخجل من الظل والشيمه يداريها
من منسبٍ , مادخل في عرقه الريبه = ارقا ,, مكانه بنيخيها , وآهاليها
الله حسيبي على ( البوينق ) واللي به = اللي رحل بالحبيبه خلا اراضيها
نحت به ( اخطوط نجد ) اشعارها الهيبه= وتوجهت به على برلين يزويها
واظلم سما ء , الدار وانحاست مشاريبه= واستفحل الداء وروحي من يداويها
القلب مهموم والهاجوس يومي به= والروح مشتاقةٍ والشوق مشقيها
يارب تحفظ لي اللي غاب وتجيبه= قدام اجي في لحدها واندفن فيها
هذي ابيوت الفتى وهذي هناديبه= يقولها بالفتاة اللي وقع فيها
غطيت بعض الذي ,,با لروح يغلي به= وثلاثة ارباع مابي ما نغطيها
وصلوا , على سيد الامه وآصاحيبه= اعداد قاصي عباد , الله ودانيها[/poem]
اخوكم فهد بن حنس
fahdhanas_os@hotmail.com
رد مع اقتباس
مواقع النشر (المفضلة)