ديــــرة ســــويـــره
[align=center]السلام عليكم ورحمة الله وبركاته
بدون مقدمات
اليكم مع التحيه الوافره[/align]
[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يازين منهاض جمسٍ يطوي الديره = طوي السجلات دون احساس وشعوري
جمسٍ حمر ماتحلاّ لونه بغيره = بالهيكل اللّي سوات الدرّ منثوري
جديد موديل مافكّت مساميره = ماساقه المغربي ولاساقه السوري
عليه عزم الكسير بزود تكسيره = من دون تخدير لاجبّر على الفوري
حنين صوت المكينه يشعل الغيره = حنين قلبٍ من الفراق مقهوري
جرّة تنهّات مصري يبلع البيره = اسكندراني عشق بنت الدمنهوري
لن قال ايووه جاب بعلمه اخيره = من حرّةٍ تدّرج بالقلب وتدوري
ورفارفه تستميل شوّي وتذيره = تقل شنبات حقّت عزّت الدوري
ياعنك ماشاور اهل الراي والشيره = متعجرفٍ تستثيره نغمة البوري
في طرقةٍ مثل دفتر زان تسطيره = لديار ماهي ديار صطيف او خوري
دار الغلا دار ولفي ديرة سويره = اللي عليها فياض القلب مدهوري
لي عام والزين ماساقت مقاديره = والبال مدودهٍِ والحال مخطوري
من عقبها الحال من جرفٍ فـ / دحديره = والمعنويات دقّت بآخر اموري
متشفّقٍ شوفها لو هو بتقطيره = حكم الهوى حكم جلاّدٍ وجمهوري
لو مرّ فاروق في وضعي وتوتيره = ماعاش في ظلّ ضبّاطه ولاثوري
عمر الهواوي ماحسّب في مخاسيره = ولايسمع الرّاي في قولات طع شوري
ولاّ انا ياوجودي وجد ماغيره = وجد العليل الذي بذراع مبتوري
يعاني اسقام مع زايد تحاسيره = حتى تمنّى المنيّه تحضر حضوري
يالله عسى للسعاده قصه وسيره = في قلب مثل الكتاب وحرف مسطوري
واشوف انا صاحبي واسمع تفاسيره = واهديه عقب البطا باقه من الجوري
وان كان خلّي قدر وقته بتغييره = مكثور خيره يوادعني ومشكوري[/poem]
[align=center]وسلامتكم[/align]
رد مع اقتباس
مواقع النشر (المفضلة)