في يوم من أيام الجامعه كنت جالسه أنا والبنات وبجنبنا شلة بنات

يسولفون ويضحكون ومسوين صجه ولجه المهم جتهم وحده من صاحباتهم

والظاهر لهم فتره ماشافوها وطبعا قاموا يسلمون وياهلا وغلا

وكيفك وحشتينا وكل شي طبيعي لحد ماقالت وحده منهم :::

[[[ الـــــلــــه يــــلــــــعنـــــــك .. ماصرتي تنشافين ..]]] ..؟؟؟


لا والله الله يلعنها ماصرتوا تشوفونها .. وش تبي فيكم وانتو تلعنونها


وهذا يالغالين موقف من مليون موقف شفته أو سمعته
يعني مره شفت وحده
تقول لصاحبتها ::: بسرعه الله يلعنك عطيني الشنطه اللي جنبك

وغيره

يعني تساهل كبير بهالكلمه وصايره على كل لسان

طبعا الكل يعرف معنى اللعنه ::: أي الطرد من رحمة الله

هذا غير ان اللعنه ترجع لك ولو لعنت أبوه ردت لأبوك ولو لعنت

أمه ردت لأمك

والمصيبه انه كلنا نعرف الكلام هذا ومع ذلك اللعن عندنا مثل السلام عليكم

والمشكله نسمعها من ناس واهم مفرفشين ومبسوطين يعني مو معصبين

أو متضايقين مع انه ماهو عذر بس لو معصب نقول فقد أعصابه وطلعت الكلمه

بس مثلا تتشره ع واحد من زمان موشايفه ((تلعنه))

والا تبي منه شي (( تلعنه)) والا يقولك نكته تقوله ::

موتني ضحك الله يلعنك ..

اذا معزم الا تبي تلعن قول (( الله يلعن ابليس ))

واللي يزعلني بالحييييل لما أسمعها من أطفال يعني تشووويه للطفوله

بس وش نقول اذا كان الأب ليل نهار يسب ويلعن والأم ماتقصر

مانعتب ع الأطفال



أخواني _ أخواتي ::

شي جميل بل رائع أن يكون لسانك نظيف وخالي من أي كلمه سب أو لعن أو أي كلمه سيئه سوف تسيء لك قبل أن تسيء لمن قلتها له

فما بالك لوكان لسانك لايقول غير (( جزاك الله خير))

(( ربي يوفقك )) (( الله يهديك ويصلحك )) (( يعطيك العافيه))

بإخــــــــــــــــتـــــــــصــــــار يكون لسانك

يـــــــــــنــــــــقــــــط عــــــــــسل ...


تخيل شكثر ناس تبي تكلمك وتسولف معاك وتبي قربك وصحبتك

هذا غير انك تخلصت من صفه بذيئه وسيئه





دعوه للجميع :::

فلنجعل ألسنتنا (( تنقط عسل ))





ودمتم للجمال يالغالين