هل انتم مع أو ضد وضع دور السينما في السعودية

**شجووون الحرف** · 26-11-2006, 06:14 PM

السلام عليكم

انا قريت قبل كم يوم بالجريده انه السعودية تقترب من وضع دور سنما في السعودية بسبب اول فلم سعودي حق هشام كيف الحال
وقد رأيت أنه من المناسب جدا أن يتم فتح دور سينما بالسعودية وبغض النظر عن فلم كيف الحال أو غيره فأنا أتكلم
عن فكرة السينما هي بحد ذاتها مطلب مهم .
أنتظر أرائكم بتلهف مع أرق التحيات وأطيب الأمنيات

**® ġuітαя** · 26-11-2006, 08:37 PM

اول شي مشكوووره يا شجون الحرف على طرحك الموضوع و اللي خلانا نتساعد و ماقصرتي :)

انا والله ضد السينما بالسعوديه لان لي فيه اغلبه حرام بحراام

تحياتي لك :)

**غزال ومـا يصيدونـه** · 27-11-2006, 08:47 AM

أنا مع وضع سينما بالسعوديه بشرط عدم الاختلاط بمعنى تخصص ايام للرجال

وايام للنساء اعتقد انه فكره وبادره جميله

اما من ناحيه اللي يرفضون بحجه ان الافلام مب زينه طيب هي نفس الشي

حنا راح نشوفه بالفضائيات والكل منا متابع للقنوات الفضائيه ميزه السينما

اننا راح نشوفه الفيلم وهو تو جديد بعكس الفضائيات اللي تعرضه متأخر

وبعدين لاكان مافيه اختلاط نهائيا وين المشكله ؟

وشي ثاني مااعتقد السعوديه تعرض اي فيلم حتى لو كان غير لائق لانه اكيد

بيكون فيه رقابه على نوعيه الافلام اللي تعرض

واعتقد الذهاب للسينما النسائيه فقط = الذهاب لعرس او مناسبه بأحدى القاعات

بنظري انها نفس الشي ...

لكن لاكان الواحد يتابع القنوات ويسمع اغاني ويعترض على وضع سينما غير مختلطه

بالسعوديه بصراحه بيكون شخص غريب ومتناقض

لان الرفض اللي اقتنع فيه هو رفض اخواننا الملتزمين واللي مايتابعون شي بالاصل

وقتها احترم وجهة نظره واقول بنفسي الله يهديني مثله ...

هي وجهات نظر بالاخر

ومشكور على الموضوع

**bandar al-dakhil** · 27-11-2006, 08:58 AM

مــستحيل تنجــح

كما نعلم السعوديه بلد متحفظ.

يعني وشو الفلم اللي مافيه شي عيب ابد ابد

بصراحه اعتقد فكرهـ فاشله..im3

ورداً على أخت غزال ومايصيدونه

لكن لاكان الواحد يتابع القنوات ويسمع اغاني ويعترض على وضع سينما غير مختلطه

بالسعوديه بصراحه بيكون شخص غريب ومتناقض

انا أسمع أغاني واشوف افلام سينمائيه..

بالعـكس ماني معــترض..بس اقول انها فاشله..

اكثر الناس تشاهد الأفلام..بس مسأله سينما وبالسعوديه

<-- عيت تدخل مخي

تخيلو انا والوالد الله يحفظه نتابع فلم..

وتجي لقطه مش ولابد :*..وش موقفي قدام ابوي ..اغمض عيوني يعني..

خخخخخخخخخ

وانا موافق..على وضع السينماء بالسعوديه..

على فكره ترا انا احس اني فاهم الموضوع غلط..

أحترامي..

**ملاك دبي** · 28-11-2006, 02:47 AM

امممم

احنـا عنـا بالامـارات سينمـا اماراتيـة تعـرض فيهـا انتاجـات بلادنـا
ومـا فيهـا اي شـي شيـن

فاعتقـد انـه نفـس الشـي فـي السعوديـة

الا الخـوف اذا تطـور الامـر لاشيـاء ثانيـة ^^

سلامـي للكـل