[align=center]السلام عليكم ورحمة الله وبركاته


أحبة المكان ..


أحيانا نكتب في حالة غضب .. وعندما يسكن ذلك الغضب ويزول ... نقول ليتنا لم نكتب ...

وقد مرت هذه الحاله بشاعر هذه القصيده / فهد بن عيد الحربي


ولكن ما كتبه حضي بالقبول في أماكن عده ..


وقصيدته تخصها وحدها ... واما هو فلا يفرق بين عرق او نسب ولا يهمّشها ابدا


هذه القصيده التي تمنى فهد الا يكتبها ..



عام الأول ولّعت بالقلـب غيـره
من سبايب ناقصه عز وطهـاره

عيّرتنـي لا وتحسبهـا معيـره
عيّرتني بالبدو بنـت الحضـاره

ما بغيت أسل سيفي من جفيـره
لين جتني ثـم قالـت هالعبـاره

قالت إن أبوك بالصحراء مصيره
راعي ٍ للضين في عز الحـراره

والله إن الصمت عن قولك كبيره
لكن إن الذم في مثلـك خسـاره

من يعيب الناس وعيوبه كثيـره
غير شخص ٍ ما خذ الغيبه تجاره

برفع البيضا لبوي ابكـل ديـره
وألطم أوجيه الخيابـا والقـذاره

اجودي ٍ سنّة الهـادي مسيـره
قايم ٍ بالليل صايـم فـي نهـاره

ما ثناه القيض عن واجب قصيره
ما يمدّ إلا الجزيله مـن خيـاره

مستشار وصادق ٍ من يستشيـره
واثق الخطوه وواثق من قـراره

الزيازيم الخضارم لـه عشيـره
كاسبين المدح في فعل الشطـاره

ذايعين الصيت في شبه الجزيـره
بالكرم والطيب ما هو بالطـراره

الاخيـره دايـم ٍ تبقـى أخيـره
بالحضيض أنتي وحنا بالصـداره

من بلاد الترك جيتي يا صغيـره
واللبيب الحـر تكفيـه الإشـاره

والمعيره كان قصـدك بالمعيـره
من عيونه ما غفت عن عار جاره

والمعيره كان قصـدك بالمعيـره
من بلغ خمسين ويجـرّ الزقـاره




تحياتي لكم[/align]