القصيدة التي أساءت لكل بنت خليجية
هذه القصيدة التي نشرت في مجلة فواصل تحت عنوان : القصيدة التي أساءت لكل بنت خليجية
ويليها الرد على لسان الشاعر طلال الرشـيد
الزين عقب المغربيات ينعاف
###############################
ياللي تنشد عن علوم الذي طاف
كل البحور وكل دوله وديره
خذ من علومي علم أوصافه أوصاف
جزل سمين يشتعل له سعيره
الزين عقب المغربيات ينعاف
غيد لهن بالزين ذكر وسيره
فيهن حلا طاغي ولين بالأعطاف
وفيهن حنان يشعل القلب غيره
حلوات وصف وفاهمات بالأعراف
زينات منطق وصافيات السريره
بنات قوم غصب طيبهم ينشاف
أولاد مغرب في الليال العسيره
الزين في لميا وتغريد والطاف
ماهـوب في حصــه وكشره منيره
###################
وهنـــــا رد الشاعر طلال الرشيد
وخــــاو وبــــالــــــزاف ..
##################
يابن الحلال ان طعتني خل الأسراف
واترك جمال الغيد لأهل البصيره
الزين موبس الملامح والاوصاف
الزين روح وعفـه وطيبه سيره
مانيب من يهوى (سريا وأنصاف)
أنا هواي وبس بنت الجزيره
بنت الخليج اللي تماري بالأعراف
وحنا نماري بأسمها كل ديره
مالي غرام بقول وخــــا وبالزاف
أذبحني عند الطرحه المستديره
أحب قوله ياهلا وعل ماخلاف
من بنت ثوبي بنت الارض النضيره
اللي تحلاها الظبي حلو الاطراف
جمال في عفـــه ورقــه وغيره
واللي بها سحر مهو سحر عراف
ياعــلًً عيـن مـاتـراها ضريره
عطف وحنان وذوق في لين الأعطاف
والي كشفت لثامها شفت أميره
صعبه على اللي بالردى شاف ماعاف
وحلوه على اللي سنة الله ضميره
شمس الى من أشرقت والدجا طاف
غابت نجومك غصب لو هي كثيره
السيف مايزهى سوى كف سياف
والخيل دون حصانها مستخيره
بس انت دورلك على قدك لحاف
وان طعتني دور بدلنا عشيره
مواقع النشر (المفضلة)