حراام احبك
بسم الله الرحمن الرحيم
أنا ما كنت أبي عطرك .... ولاني للخطأ عشــقان
أنا ما كنت أبي إلا أحس انك تحبـــيـــــــنـــــي
وهبتك أجمل إحساسي وجيت من الوله عطشان
لقيتك يابعد عمري حسافة ما تحســـــــــيــنـي
كتبتك أعذب حروفي .. ( قصيده) وزنها ديــــوان
قريتيها .. رميتيها.. ابد ما كنها سنيـــــــــــنـي
تجين من الفجر كذبه وعيـنـك تخـــفي العـنوان
وأشوفك في سواد الليل على الكذبة تمسيني
أنا جابتني الصدفة وهذي منة الرحــمـــــــــــن
أشوفك تاصفي لغيري صفات إلي وصفـتـيني
حبيبي يكفي أسلوبك أنا يكفيني البرهــــــــــان
أنا مااصدق ليـش ولكن شافـتك عـــــيـني
سكت وداخلي صرخة تردد صمتها الجــدران
حسافه طاوعك قلبك بلا ذنبٍ تـبـيعـيــــــــــني
ألومك .. مــاالومك .. لاالومه وقتي الخوان
عطيــــتك ألف معنى حــب وهذا إلي تجازيني
أنا ماأملك إلا قـلب .. لكن للأسف تعــبــــان
كفاني منبع الأحزان تفجر به شرايـيــــــــنـي
احبك؟!.. ليه احبك ليه واتوه بعالمي حيران
وأشوف الناس من حولك تشوفيهم وتنسيني
أحاول أكرهك لكن فؤادي ماكـــره إنسان
غريبة كيف هذا القلب يحب إلي جرح فــيني
حبيبي داخلي كلمه عساها تشفي الوجدان
حبيبي ماأقول إلا .. حرام انك عرفـتـينـــــي
اتمنى ان تنال اعجابكم
تحياتي لكم
مواقع النشر (المفضلة)