رجعتى بس وش ردّك على بضيقة الاخلاق
اخوانى واخواتى
اقدم لكم هذه المتواضعه
واتمنى ان تنال رضاكم
[poem=font="Simplified Arabic,4,black,bold,normal" bkcolor="transparent" bkimage="" border="outset,4,gray" type=1 line=1 align=center use=ex num="0,black"]
تقولى ضايقٍ صدرك ..واٌقلك :هو متى ما ضـاق ؟=وانا من كنت فى رابع .. واحس بضيق فى صدرى
رضينا بالقدر ..هاذى مـن الله..والقدر فـــــرّاق =يضيق اوما يضيق..اليوم علّه خير..من يدرى ؟
رجعتي بس ..وش ردّك عليّ بضيقة ..الاخلاق=تجاهلتى مسافات .وزمانٍ ..راح من ..عمرى
تقولي ديرها مزح وسوالف ..وابعد الاوراق=اخاف ان صاح في جوفك ..قلم ما يسعفك حبري
تقولين الهوى بايق وانا اقول الهوى ما باق= ابكتب شي من ماضى .. وابيك بذمتك تقري
ذكرتي يوم يجمعنا الصباح بمنظر الاشراق = ذكرتي يوم يسرقنا المسا فى همسنا المغري
يسوّى فيّ شباكك ..عذاب وشى ماينطاق = ذكرتى كيف علقّنى ..وكنّه باللقاء يحري
ذكرتي يوم يقهرنى ويحبك لعبة الاشواق = تجمعتوا على عاشق ..تبونه بالغلا يشري
ذكرتي يوم اجيك بلا وعد واقولك مشتاق = وتقولى يوم اجي فى موعدى ..وش اخرك :بدري؟
واشك ّ بساعتي وادعي على من جابها الاسواق = واموت بضحكتك يومك تقولي :شف لها عذري
وتشيلي الشال عن وجهك واضيع بملمح ٍ غرّاق= واصدق مزحتك واسرح واقلّك :بيت من شعرى
ذكرتى يوم ضيعنا الطريق ..بزحمة الانفاق = ذكرتى يوم قلتي..احسبك :ناوي على غدرى
ذكرتي والا ازيد اذكرك عن لوحة الاشفاق = نسيتى يوم اقارنها بثغرك .والثمه واسري
ذكرتي يوم قلتي لي: تعوذ .من يطيق فراق؟ = وزعلتى ثم قلتى لا ..تقدم .صورة الحشري
تعرفي وش تركتى لي..غير السهر والارهاق= تركتى .سالفة غربة .وسايق شايل ٍ عبري
انا العبري واذا ودّك تعرفي منهو السواق = تعالى حطي عيونك بعينى ..واسالي صبري
واذا بعدك صغيره ماعرفتى ليش صدري ضااق = ترى ماهو من غيابك حزين و ضايق ٍ صدري
رجوعك لي تسبب لي بشي اليوم .ماينطاق = ابي ارجع سنه رابع ..ولكن الزمن يجري [/poem]
طلال
رد مع اقتباس
مواقع النشر (المفضلة)