ولا مكتشف اللغه الانجليزيه يحلهم !! قصة معاناة !!!
قمة التحطيم ..
لا صار في بالك حلم اكثر من سبع سنين
ويختفي في اقل من ساعه !!!
=======================
من مقدمتي الصغيره اللي فوق
اكيد فهمتوا حالتي النفسيه .. حاليا !!!
im6 ... قبل ما اكمل كلامي ..
ممكن .. !!
أبـــكــــي !!! images8
==================
يوم الاربعاء الموافق 8 / 11 / 1427 هـ ويمكن 9 / 11 / 1427 هـ
<< والله ما ادري كم بالضبط ؟؟
المهم هو يوافق 29 / 11 / 2006 م
الساعه الواحده ظهرا ..
المقر : جامعة الملك فيصل
في هذا اليوم تحطم حلم حياتي اللي هو
التخصص في اللغه الانجليزيه
الله يلعنهم !! ويفنيهم عن بكرة ابيهم ..
كان في هذا اليوم اختبار التخصص للقبول في اللغه الانجليزيه
بجامعه الملك فيصل رحمه الله !! <<< وينه بس عن هالجامعه
يشوف وش يسووون في الطالبات ..
المهم اكمل ...
كنت انتظر هذا اليوم من ايام المتوسط .. يعني قبل سبع سنين واكثر
وجا اليوم المنتظر اللي هو امس
طبعا انا جهزت حالي .. لا وبعد ذاكرت !!
ولو ادري والله ما ذاكرت ..
كنت متأمله خير ..ان شاء الله اقدر احل الاسئله وبعدها يتحقق حلمي
المهم اكمل ..
دخلت القاعه قبل الوقت المحدد بربع ساعه
<<< يا واثقه ... <<< بصراحه كنت خايفه !!!
المهم هم بدو بتوزيع الاوراق
وربي فجعت بذيك الاسئله اللي والله العظيم
واكررها والله العظيم يا اعضاء منتدى الزين العزيز
محد يحل هالاسئله ولا مكتشف ومخترع اللغه الانجليزيه
ولا حتى اينشتاين ولا اسحاق نيوتن ولا ماكس فيبر ولا فيثاغورس
ولا اوجست كونت ولا آدم سميث ولا وايتنغ وليمز ولا إلتون مايو
ولا دوغلاس ماكريجور ولا ابراهام ماسلو ولا فريدريك هيرزبرغ
ولا ارسطو ولا افلاطون (وادري انكم نص هالعلماء ما عرفتوهم)
و ولا ابن خلدون ولا ابن سينا ولا الفارابي ولا الامام الغزالي
ولا حتى عمر الشريف
حتى سيف الله المسلول خالد بن الوليد ما يقدر يحل هالاسئله
يعني شقول لكم
لا عين رأت ولا اذن سمعت ولا خطر على قلب بشر
اسئله ما تجي على بال احد ... تبكي العيون وتدمى لها القلوب
الله يهداهم بس .. اسئله تعجيزيه ع الآخر
ما توقعتها بتكون بهالصعوووبه ...
قاعدات جديده ... ومصطلحات كانت مخترعه من قبل كاتب الاسئله
يعني انا لاعت كبدي منهم .. ابتدى الاحتبار الساعه وحده
وانا من الساعه وحده للساعه وحده وربع
كنت احاول اقرا اول كلمه .. <<< صيغة مبالغه !!!
بس ما اوفي حق الاسئله من كثر ما هي صعبه
كانوا بس خمسين سؤال .. يعني كل سؤال عليه درجتين
وانا ما حليت شي صح
ومو متأكده الا من شي واحد اللي هو
chat معناه talk <<<< طبعا talk كان من ضمن الخيارات
والادهى والامر من هذا .. مدة الاختبار بس ساعه وحده
يا ناس يا عالم شنسوي بهالساعه !!! :18ar:
اش يبون منا !!!!
احنا جايين نختبر ولا جايين نتقهوى !!
والله حتى شرب القهوه ياخذ اكثر من كذا
حرام عليهم والله !! im6
بيحطوني عربي !!! <<< زبالة الجامعه << مو انا اللي اقول هالكلام
بس كل اللي نسبهم تحت الـ 95 يحطونهم عربي
وكل اللي ما يعدون اختبار الانجليزي يحطونهم عربي
هذا لان محد يبي العربي يكون الوضع اجباري
وينه الملك فيصل يشوف اش صاير بالجامعه حقته !!!
=========================
والله ودي ابكي .. ما ابي غير الانجليزي !!!
نتقبل التعزي ورفع المعنويات ...
والدعاء لاجل قبولي في هذا القسم وتحقق حلم حياتي
في عالم النت >> موقع الزين >> منتدى الزين >>
قسم ._][_المنتديــات التـرفيـهيــه_][_. >> مجلس الـزيـن
للصرقعة و الاقــلاع >> موضوع ولا مكتشف اللغه
الانجليزيه يحلهم !!!! >>> قصة معاناة !!
تحياتي :: قصة معاناة << وردة الشوووق
المشاركة الأصلية كتبت بواسطة طعسه بس ستايل
مواقع النشر (المفضلة)