[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
وين انت لك يوم غايب يامصبّ الوريـد=ماتدري انك لاغبت أزعل وأعصب علي
أضيق لاغبت يامطلـق ولا عـاد أجيـد=أرتب أصفوف ضيق الصدر والليّ يلي !
محبتّـك كـل يـوم وكـل ليلـه تزيـد=وغلاك ماله وصيف ولا شبيـه وحلـي
صحيح مجنون وتعايي وراسـك عنيـد=لاقلت ماذا بلك !! بتقـول لا ذاه لـي !
لكنّ لاكبـرت الدعـوى وقـرب البعيـد=عينت لـك فرجـةٍ يدلـه بهـا المبتلـي
أثقل من طويق وأقسى من صليب الحديد=وأحلم من الحلم وأسمك مجـد ماينجلـي
يعني بعيني لحالـك بيـد والنـاس بيـد=الناس شلقة اجيـوب وحضرتـك بنتلـي
أيجابي أغياب ابوفالـح جديـد القصيـد=وسلبي غيابه مواجع قلـب ماهـو خلـي
وانا بعد غيبتـك مانـي علـى ماتريـد=أعدل العـوج وأكعـم ضربـة العايلـي
من كثر ماأجحد صواديف الزمان الزهيد=من غير لا أعلم لقيت الها معـي فايلـي
تنقضّت من جديد وجيتهـا مـن جديـد=وهي من اخر لفت .. وأنا بديـت أولـي
مامنّهـا الاّ الجـروح وسجـةٍ ماتفـيـد=ترعى كدر مرتعٍ ضيقه ماهـو ممحلـي
امضحيّه فالصدر وامعشيّـه .. والاكيـد=انها تربّ الضلـوع اللـي لهـا منزلـي
وانا يامطلق على ظنّك وعزمـي شديـد=شفني على الأبرقه شامخ وانا اخو علـي
الله خلقني كذا وأسمي لشخصي رصيـد=ولا أعترف بالتبوع اللي ماتسوى طلـي
ابلشتهم من بعيـد .. بفكرتيـن ونشيـد=وشلون لوني قريب .. ومحتزم يالشلـي
عقلي بعيني كبيـر وراي مثلـي سديـد=وأعرف متى مطلعي وأعرف متى مدخلي
امخاطبة ناقصين العقـل ماهـي بجيـد=اكبر خطـى يرتكبـه العقـل فالجاهلـي
اسمى تحياتـي وشكـري واردد وأعيـد=متوّجـه يانجـوم الرابعـه وأعتـلـي
عرفت منك مالا كنت اعرفه من جديـد=وعرفت باني كبير .. وعالمـي ممتلـي [/poem]
وسلامتكم
فـالح بن قشعم الهاجري
مواقع النشر (المفضلة)