مرثــيــــة فـــهـــــد
صدمتي كبيره .... ادعو له بالرحمه والمغفره
مرثية اخوي فهد العتيبي
[poem=font="Simplified Arabic,6,orange,bold,italic" bkcolor="black" bkimage="" border="none,4,gray" type=2 line=1 align=center use=ex num="0,black"]
دمعتي حارت على حد الجفن=من همومن صاطياتٍ جايرات
حيرتني صارت اوقاتي كفن=ماتت افراحي ولا باقي حيات
شكوتي منهن علامه واسكتن=وين رايح تعبت اخطانا شقات
صبرني يوم قالن واذكرن=حزننا دايم ولا منها شفات
حارت اقدامي وبعيوني بقن=واترك العالم واسير بالفلات
يافهد ياخوك اذكرك واحن=فقدتك ياخوك سوت بي سوات
تصرخ ادموعي تناديني رجن=حكم ربك شرع فينا بالوفات
اوقف بقبرك واردد تسمعن=يافهد تسمع حديث الذكريات
تذكر ايامن قضيناها مضن=تذكر اوقاتن علينا قاسيات
من لمحنى قال بالعقل استجن=شفت عاقل يسمعه قبر وحصات
كن كوني صار ثوبن ضايقن=تختنق روحي وتطلبك النجات
صرت اسولف بالخلا محدن معن=صرت انادي بسمك تجيب الصدات
ضيقتي خلت دموعي يذرفن=فوق خدي من عيوني جاريات
الورود اللي بهاالدنيا بكن=جاوبن نوحي وماتن باكيات
والحصى من زود حزني به حزن=ومن بكاه اصبح شظايا مع فتات
والرمال بدون ماوصف لك شكن=في اماكنها بقن دون غبرات
والغيوم بجوها حنن وجن=ضللنٍ قبرك وصاحن ممطرات
والشجر والطير تبكيك بشجن=حتت اوراق الشجر شف عاريات
والنجوم بلوعة الفرقا طفن=ضوهن باهت وصارن عاجزات
والدقايق والثواني فالزمن=كنهن خيلٍ تسابق مسرعات
كل مافي الكون يسمعني اون=جاوب الونات صوت النايحات
فوق الارض افرك بصدري والبدن=وامتلى جسمي جروحن داميات
عشت انا بالحزن واصبح لي سجن=خلف قضبانه حكمنا للممات
يالله المعبود عفوك ورحمن=بالحزن ضاقت وسيعات الفضات[/poem]
رد مع اقتباس
المشاركة الأصلية كتبت بواسطة سـاهـر اللـيـل
مواقع النشر (المفضلة)