احدٍ تحركه المشاعـر ويهتـز=واحدٍ سواليف الخطا مـا تهـزه
[poem=font="Arabic Transparent,5,black,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
احدٍ تحركه المشاعـر ويهتـز=واحدٍ سواليف الخطا مـا تهـزه
بعض العرب ياشيخ ما يقبل الكز=شيخٍ ولا شيوخ القبايـل تكـزه
والبعض عايش في حياته مدزز=من وين مـا ودك تـدزه تـدزه
ان قلت له ياطيب فالي مع الوز=قال اعتبرني يابن الاجـواد وزه
وان قلت له عنز عن الجود عنّز=ويصافحك لو تبتدي في مكـزه
هذاك لو تسلب معاليه ما اهتـز=ما تستفـزه لـو تبـي تستفـزه
ولا فانا ياشيخ عايـش معـزز=لي هيبةٍ من فضل ربي وعـزه
قلبي واعرفه لا توحا الخطا فز=لحيث له مع عزة النفـس فـزه
لو كان نفسي تشتهي لقمة الـرز=ما سقتها للشيخ من شـان رزه
اعز نفسـي وابتعـد واتعـزز=لا صارت الدعوى تطول المعزه
اما حيـاةٍ كلبوهـا علـى عـز=ولا فلا لي عنـد الاجـواد رزه
احدٍ بدون مجامل الناس مرتـز=واحدٍ ولو تجاملـه مـا تـرزه
[/poem]
رد مع اقتباس
مواقع النشر (المفضلة)