هذي قصيدة لاسير الشوق اعجبتني وحبيت انقلها لكم
غناها عبدالمجيد عبدالله


غيبوبتي طالت وحلم العمـر طـاف
وهمّ التعاسـة فـي مكانـي رمانـي

أضحك وأجامل والحشا يرعف رعاف
متبعثـرٍ مابيـن قـاصـي ودانــي

ماتت جماهير الأمـل قبـل تنشـاف
ومستقبلي مـن قبـل أزوره جفانـي

وليلي طويلٍ ماله حـدود وأطـراف
والصبح مـا بينـي وبينـه موانـي

والموج يهزا بي وانا بدون مجـداف
متغربـلٍ واليـاس حـلّ وطـوانـي

مانيب شاعر ينظم الحـرف والقـاف
أنـا قصيـدة و أبدعتهـا الأمـانـي

على مساحاتي صدى الحزن عـزّاف
وعلى جراحـي تستريـح الأغانـي

شيٍ بجوفـي مـا درى فيـه شفـاف
ولا كل من يقـرا الملامـح قرانـي

وين السعادة ودربهـا كلـه إجحـاف
لا راح همّ ... جـدّ هـمّ ودعانـي

كنّي مطيـة للشقـا بيـن الأجـلاف
لا روح تفهمني ولا قلـب حانـي!!!