يا زين الخليجيات - بس انت دور على قد الحافك
بسم الله الرحمن الرحيم
السلام عليكم ورحمة الله وبركاته
الله يسلمكم هذا واحد يتمدح في المغربيات ويذم الخليجيات
ياللي تنشد عن علوم الــــــذي طاف .... كل البحور وكل دوله وديـــــره
خذ من علومي علم اوصافه اوصاف ..... جزل سمين يشتعل له ســعــــيره
الزين عقب المغربيات ينــــــــــــعاف .... غيد لهن بالزين ذكـــره و ســـيره
فيهن حلا طاغي ولين و تــــــــعطاف .... وفيهن حنان يشعل القلب غــيره
حلوات وصف وفاهــــمات بالاعراف .... زينات منطـق صافيات الســــــريره
بنات قوم طيبهم غصــــــــــــب ينشاف .... اولاد مغرب بالليالي العســــيره
ياللي تنشد عن علومي بالانصــــــاف .... هرجي يكفي صامله عن كثـــيره
الزين في لميا وتغريد و الطــــــــــاف ..... ماهوب في حصه و كشره و منيره
وطبعاً جا الرد الي يبرد قلوب الخليجيات
قال الذي في بدع الامثال صراف .... جــــــزل يفرق بين درهم وليـــره
ياللي مدحت المغربيات بجـــحاف ..... الله يجيرك من عمــاة البصـــــيره
لو تعجبك لميا وتغريد والطــــاف .... مايصلحن لهل الوجيـه الســـــفيره
مفصخات و لبسهم حـول الارداف .... وبليس اغواهم بكشــف الستـــــيره
متعودات كلهم زيف وخفـــــــــاف .... على التغنج والتعطف وغيــــــره
كل يوم مع صاحب و لافيهم اعفاف .... خويهم اللي فلوســه كثــــــيره
ترى البضايع عدة اشكال و اصناف .... وكل ينوخ وسط سوقه بعيـره
عز الله ان الطيب في بنت الاشراف .... اللي على الحشمه تربت صغيره
ولا تبين منها كود الاطــــــــــــــراف .... مثل القماشه فالبحور الغزيره
ياللي تدور بالجواهر و الاصـــــــــداف .... الزين كله في بنات الجزيـره
وهذا رد الراحل طلال الرشيد (( الملتاع )) .. الله يرحمه
يابن الحلال ان طعتني خل الاســـراف .... واترك جمال الغيد لاهـل البصيره
الزين موبس في الملامح والاوصـــــاف .... الزين روح وعفه وطيــب سيـره
مانيب من يهوى سريا وانصـــــــــــــاف .... انا هواي وبس بنت الجزيــره
بنت الخليج اللي تماري بالاعــــــــراف .... وحنا نماري باسمها كـل ديـره
مالي غرام بقول وخا وبالـــــــــــــزاف .... اذبحتني عند الطرحه المستديــــره
احب قولة ياهلا وعل وماخــــــــــلاف .... من بنت ثوبي بنت الارض النضيـره
اللي تحلاها الظبي حلو الاطــــــــراف .... جمال في عفــه ورقه وغيــــره
واللي بها سحر مهو سحر عــــــــراف .... ياعل عين ماتراها ضريــــــره
عطف وحنان وذوق في لين الاعطــاف ....والى كشفت لثامها شفــت أميـــره
صعب على اللي بالردي شاف ماعاف ....وحلوه علىاللي سنــه الله ضميــره
شمس الى من اشرقت والدجا طـاف. ...غابت نجومك غصب لو هــي كثيــره
السيف مايزهى سوى كف سيـــــاف .... والخيل دون حصانهـــا مستخبــره
بس أنت دورلك على قدك لحــــــــاف ....وان طعتني دور بدلنــا عشيــره
"د.الأمـــاكن"
رد مع اقتباس
مواقع النشر (المفضلة)