قصيده حزينه وحقيقيه
السلام عليكم ورحمة الله وبركاته
بسم الله الرحمن الرحيم
هذه القصيده حقيقيه ومحزنه وعساها تعجبكم ولا تنسونا بالردود
البارحه يوم الخلايق نياما بيحت من كثر البكا كل مكنون
قمت اتوجد له وانثر علاما من موق عين دمعها كان مخزون
ولي ونة من سمعها ما يناما كني صويب بين الاضلاع مطعون
ولا كما ونة كثير السلاما خلوه ربعه للمعادين مديون
مرحوم يالي مات شهر الصياما صافي الجبين بثاني العيد مدفون
حطوا عليه من الخرق ثوب خاما وقاموا عليه من الترايب يهلون
مرحوم يالي ما مشى بالملاما جيران بيته راح ما منه يشكون
اخذت انا وياه عشرة اعواما ما مثلهن في كيف مالها لون
واكبر همومي من بزور يتاما وان شفتهم قدام وجهي يصيحون
وان قلت لا تبكون قالوا علاما نبكي ويبكي مثلنا كل محزون
قلت السبب تبكون قالوا يتاما قلت انا اليتيم ا ياي وانتم تسجون
مع الصغار وكل جرح يلاما الا جروح بخاطري ما يطيبون
قمت اتوجد عند ربع حشاما جوني على فرقا خليلي يعزون
قالوا تزوج وانس لامه بلاما ترى العذاري عن بعضهم يسلون
اخاف انا من غاذيات الدماما اللي على ضيم الدهر ما يتاقون
تزعل عيالي بالنهر والكلاما وانا تجرعني من المر بصحون
والله لولا هالصغار اليتاما وخايف عليهم من الدجه يضيعون
لقول كل البيض عقبه حراما واصبر كما يصبر على الحبس مسجون
عليه مني كل يوم سلاما عدة حجيج البيت والي يطوفون
وعداد ما نبت النفل والخزاما على النبي يللي حضرتوا تصلون.
وشــــــــــكـــــــــرا ......
اخوكم / الــــــمـــــMـــــبـــــادر.
وحياكم الله على الأيميل / Nissan_ksa_999@hotmail.com
مواقع النشر (المفضلة)