مرحبا بزوار صفحات البرواز
هذي قصه صارت معي في برج الفيصليه قبل سنتين تقريباً , وهي قصه حقيقيه وليست من نسج الخيال
صورتها لكم داخل ابيات شعريه وارجو ان تنال اعجابكم
كما ارجو ان تسعفني الذاكره لكتابتها كامله
[poem=font="Simplified Arabic,6,blue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
دخلت الفيصليه اتمشى واشوف الناس = شفت اللذي من قبل ماشفت موليه
شفت البشر فيها بأشكال واجناس = شفت البنت نفس الولد والولد ابنيه
شفت لابسين الجنز ومكوبرين الراس = سلسال مع دبله وقصات غربيه
قل اعوذ برب الفلق واعوذ برب الناس = ماشفت من يلبس اعمامه وطاقيه
ثم دخلت المحل قلت اشتري الباس = شفت الغلا واسعار فوق الخياليه
ثم رحت للمطعم وطلبت شاهي كاس = فجأه تضاحكوا كل اللي حواليه
كبتشينو مشربهم وعصير الأناناس = ماذاقوا لا شاهي ولا قهوه بريه
سحبتلي كرسي وجلست وسط الناس = وشفت اربع بناتٍ تهامزن فيه
فيهن طويلة عنق وعيونها نعاس = يسحر جمال الجسم بأوصاف شاميه
جتني قوية عين وعطتني القرطاس = قالت خذ الرقم وارجوك تتصل فيه
قلت استحي يابنت لايفضحوك الناس = قالت عادي كلهم عادي شقرديه
قلت انتي قليلة حيا وقلبك بدون احساس= وأقسم انا واجزم مانك سعوديه
قالتلي خل الخوف خلك شديد الباس = وان كنت اتدور بدوا بأصير ابدويه
قلت ابك ماذليت ولا قد حنيت الراس = لاشك اعز نفسي عن فعل الرديه
وطلعت من عندهم بليا عقل وبليا راس = مدري البلا فيهم ولا البلا فيه
اخذنا اطبوع الغرب مدري على اي اساس =عصر التطور.. وعصر التكنلوجيه
لا بوها تكنلوجيا فيها الشيم تنداس = وحنا في وسط اديار بالشرع مبنيه
واختامها صلوا تعداد من داس = فأرض الحرم حجاج بنفسٍ نقيه
وتعداد مادق وسط الحشا هوجاس = وصلى الله وسلم على نبيه [/poem]
كلمات البرواز
مواقع النشر (المفضلة)