قصـه ,, زيـد وغـريسـه // واخوهـا عـامـر ..!! (مـاتو جميعـآ)
[align=center]السلام عليكم ورحمة الله وبركاته
القصة حصلت في قبيلة بني هلال والله أعلم والتي كانت منازلهم جنوبي نجد من صوب جرف عليا ، حيث كانت لهم السلطة في نجد كلها قبل ( سبع مئة الى ثمان مئة سنة ). وغريسة هذه بنت من بني هلال عشقت شخص من القبيلة اسمه زيد وارد ان يتزوجها فرفض اخوها عامر واحجروها بني عم لها عن زيد .. ( منع أبناء عمها تزويجها لزيد بحجة اولويتهم لها ) فعانى العاشقين مرارة ذلك كثير ، وقد بذل زيد كل الوسائل الممكنة ليقنع أبناء عم الغريسة ليتركوه يتزوجها فرفضوا ذلك ، ثم ضاقت بزيد الدنيا وقرر الرحيل عن الديار فلما علمت الغريسة ادركت ان زيد سيرحل دون رجعة ضاقت بها الدنيا .وقالت لرفيقة لها ..( تشوّفي لزيد مع اهل الخيل فإلى شفتيه وشافك) فقولي[/align]
[poem=font="Simplified Arabic,6,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا غرسة في الوادي =عليك ليـلاً بـادي[/poem]
[align=center]
وهذا كان تلميح لزيد (إن حبيته الغريسة تحتريه في الوادي الى جاء الليل على شان تسلم عليه قبل يشد عنهم )وان رفيقة غريسة يوم قالت ذا الكلمة كان به شايب يسمونه (الأوقيشر) وانه فطين وخبيث في نفس الوقت ..يعني يحب يشب الفتنة .ويوم سمع كلام رفيقة الغريسة فهم قصدها .وهو يروح يعدي لين اقبل على اخو الغريسة اللي اسمه عامر ..ويوم قرب منه قال: [/align][poem=font="Simplified Arabic,6,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الغرس ذا الليلة صرامـه =وعامر يلوسب في العمامة[/poem]
[align=center]
(يعني ان الغرس بيقطع ثمره في هالليلة والغرس هو غريسة .وعامر يلوسب في العمامة يعني انه غافل ما يدري وش صار في غرسه)
ويوم سمع عامر كلام الاوقيشر ارتاع ودرى ان الاقيشر يقصد بالغرس شي تحت حكمه ..وقال للاوقيشر بيّن وش مغزاك؟ ..وقال الاوقيشر :برّق في اللي وراك .ومشى الاوقيشر ..وعرف عامر ان القصد اما مرته والا اخته .وجلس طول الليل متغطي بالعمامة وهو ما نام .لين سمع صوت شي يفتح رواق البيت وقام يتتبعه (والى هي غريسة رايحة تبي تسلم على زيد )
يوم واجهت "غريسة" -- "زيد" كل منهم بكى .. وكان عامر مدركهم بسيفه وهو يذبح عامر وهو ياخذ اخته ويربطها ..وياخذها بعيد عن العرب في هضبة فيها مثل الغار وهو يقطع رجلها ويخليها مربطة في الغار ،، ومن القهر كل يوم يركب فرسه ويجيها في الغار ويسقيها ماء على شان ما تموت ويقطع عضو من اعضاء جسمها ..وجلست على ذا الحال ايام ويوم جاء عقب عاشر يوم الى هي ميتة وكاتبة بدمها على صفاة الغار القصيدة هذه:[/align]
[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
قالت غريسة زينـة القـول والنبـا=فجانـي زمانـي والمقـدّر دهانيـه
تهاويت مـع زيـد وطابـت ليالنـا=ثمان سنين فـي طرابـه وامانيـه
هاواني وهاويته على الونس والهوى=وقطفنا ثمر ما لاق والنفـس فانيـه
سقاني شراب من ثمانه وانـا بعـد=سقيته شراب صافـي مـن ثمانيـه
يا ليت زيد طاعني يـوم اقـول لـه=اسر وكل الناس في النـوم هانيـه
ولا طاعني والامر مـا فيـه حيلـه=غشا زيد حلو النوم وانـا غشانيـه
ولا انتبهـت ألا ان زيـد ضحـيـه=نعيتـه ولـو هـو حـيٍّ نعانـيـه
ولما اقطعوا رجلي تراكيت بالعصـا=على جال قبره قلت ما جـاه جانيـه
وبعد اقطعوا الاخرى تدربـت جثّّتـي=على قبر زيد وقلـت هـذا مكانيـه
الى مت ما سايلت عن وابـل الحيـ=اولا من حفر قبري ولا مـن نعانيـه
عفا الله عن زيـد عشيـري ذنوبـه=ولو هو عصاني يوم اقول إسر ثانيه
محا الله عن زيـد عشيـري ذنوبـه=ولو كان في حوض المنية رمانيـه
يـا حافـر للقبـر وسّـع جوانبـه=على جانبٍ مـن زيـد لا تبعدانيـه
المقصد اني مـا اقولـه بخاطـري=ابي الى جاء الوبـل زيـد سقانيـه
أوصّيك يا نقـر الصفـا لا تغرّنـي=ان جـو عريـبٍ وارديـن شنانيـه
يا مـدوّر زيـد تـرى زيـد عندنـا=ذبيح العمر هذا سبـب كـل جانيـه
اخوي عامر يعطـي القـوم عمـره=شجاع ويامـا مـن نهـار حمانيـه
مثل عامر توسم به الإبـل والغنـم=وزيد كفى عـن ربعـي الا ثمانيـه
ابوي وأخوالـي وعمـي وعزوتـي=وذبح الشفايا في عشيـري هنانيـه
[/poem]
[align=center]
يوم قرى عامر ابياتها اللي كاتبتها بدمها قبل تموت وقرى بيتينها اللي تمدحه فيها انه غشي من الندم ومن الحزن وتندم على انه ما زوجها لزيد على سنة الله ورسوله وحارب الطعام والمنام اسبوعين لين مات حزن على اخته .
والاقـاويـل كثرت عن هـذه القصـه .. .!!
أنها كانت زوجته وحصل خلاف بين أخوانها وبينها فأردوا أن يطلقونها منه فأبى ثم أنها واعدته سراً وحصل أنهما ناما جانب بعض فأدركوهم وقموا بقتل الرجل وتقطيع المرأه وليس أخوها لوحده بل أخوانها كلهم كانو معه هـذا بـ اختصار القصه الثانيه المتداوله .
ياويل حالي بس
سـلام .[/align]
مواقع النشر (المفضلة)