* عندما فتحت عيني يوماً على واقع لا أريده * آآآآخ بس !!
السلام عليكم ورحمة الله وبركاته
بقلبي حزن ومواجع ودي افضفضها .....
بعد ماقريت موضوع الأخت الحلم الضائع ... / اي من الكلمات التالية تؤلمك ؟/
طاحت عيني على على كلمة (( عندما افتح عيني يوماً على واقع لااريدة))
أحس انة حزت بقلبي ...
ذكرتني بيوم وفاة الوالد الله يرحمة ...
ذاك اليوم ... كانت الساعة
3 الا ربع الظهر ...
فتحت عيني ... على صوت بكاء امي ... واختي ...
صدمة ... من شدة الخوف عجزت امشي...
خطوة امشي وخطوة اطيح ...
طلعت من غرفتي ... مشيت على برى الفلة .. كنت اسمع الصوت بعيد ...
لقيت امي بوضع يحزن العدو .. وخالي واقف على راسة يهديها ..
بكذا ... عرفت ان الوالد بة شي .. بس استبعدت وفاتة ...
جتن زوجت خالي قالتلي / خلك قوي وتصبر ابوك حالتة متردية ويرجي دعواتكم ..
شالوا امي للغرفة واختي بعد ...
وانا كنت قاعد بالصالة ... دخل لخوي اللي اكبر مني ..
المسكين كان توة جاي من المدرسة كان ذاك الوقت ثانوية عامة ..
انصدم ..وش بنا خالي ليش جاي هالحزة ؟
مسكة خالي على جنب وقالة ترى الوالد عطاك عمرة ..من هنا عرفت انة توفى..
لحظتة مابكيت من شدة الصدمة ...
دخلوا اخواني الصغار .. وكانوا وقتها اعمارهم ... سنتين - سبع سنين - 10 سنوات
كانت على وجوههم صدمة شديدة من الحالة اللي شافوا امي عليه ..
اخذتهم خالتي وضفتهم وعلى طلعوا بهم على بيت خالي ...
واسمع اختي الصغيرة (10 سنوات ) تصيح تقول مابي اروح عندي اختبار علوم ..
مسكينة ياقلبي هي .. ماكانت تدري حزتة بهالمصيبة
ماكانوا عارفين ان الوالد مات ..
وبعدها بيوم عرفوا ... وجو عند امي وبكوا على حظنة لين تقطعت قلوبهم..
اف ف ف بس على ذيك الايام ...
رجع اخوي الكبير من رحلة علاج الوالد كان مرافق لة كان وضعة لايحسد علية
.. تفكير وهموم ومسؤلية جديدة
آآآآآآة ... بس خلاص
ماابي اغثكم زيادة ..
بس تدرون احس اني ارتحت كثيرررررر ..
هالحين اخواني الصغار كبروا والحمدللة اصغرهم الحين يدرس بثاني ابتدائي ..
.....................................
ياحبيلهم
مشكلتي الحين ضعيف قدامهم .. ماأقدر ارد لهم طلب
لاني حاس انهم فقدوا شي كبير وهم بعد ماخذوا كفايتهم منة..
اتمنى ماكون قلبت المواجع على احد
بس هذي احس انة ريحتن كثيييييررررر ...
لاني مااحب افضفض وجها لوجة ... يعني احب افضفض من بعيد لبعيد ..
~*¤ô§ô¤*~الله يرحمة ويرحم جميع موتى المسلمين ~*¤ô§ô¤*~
~*¤ô§ô¤*~ويغفرلة ويغفر لجميع المسلمين~*¤ô§ô¤*~
~*¤ô§ô¤*~اللهم آمين ~*¤ô§ô¤*~
((سبحانك اللهم وبحمدك اشهد ان لاالة الا انت استغفرك واتوب اليك))
مواقع النشر (المفضلة)