رديه ,,, بيني وبين الوالد ,, الله يحفظه!!!!!
بسم الله الرحمن الرحيم
السلام عليكم ورحمة الله وبركاته ,,,
صبحكم الله بالخير ...
هذه رديه بسيطه بيني وبين الوالد عندما غبت عنه لمدة 3 أيام متواصله وذلك بسبب ضرووف العمل اللي تجبرني بالإبتعاد عن الأهل ,,,
فأرسل لي الوالد هذه الأبيات عباره عن رسالة جوال ,, الوالد ليس بشاعر ولكن أعتبرت هذه الأبيات من خاطره ,,
وقال /
[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
ياطير ياخفاق ود المراسيل=وأحمل سلامي في جناحك وشله
أمانتك لاجيت ذيب الرجاجيل=في مجلسن كل النشاما تدله
حب خشمه ثم قبل الراس تقبيل=حبة غلا ةاخلاص من والد له[/poem]
فرديت عليه بهذه الأبيات البسيطه
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
ياهاجسي وين الشعر والمواويل=أنا أشهد إن القاف قد حان تله
هات القصايد والليالي مقابيل=ولاتظهره لامن غدا فيه خله
جاوبني الهاجس وفي تالي الليل=قرب لك أقلامن ودفترك فله
قلت أبشر وفزيت وأقول ياويل=ياويل حرفن يبتعد عن محله
يامرحبا واعداد وبلن هماليل=وأعداد ماكتبت حروف المجله
يامرحبا فيها من البن والهيل=أسوقها دله ودله ودله
أسوقها سوق الأجاويد للخيل=للي علوم المرجله غايتن له
حلحيل نسله من سلالة حلاحيل=رجله على دروب المراجل تدله
ياطير بدل بالمراسيل تبديل=وأحمل كلامي فوق سحبن مطله
وأحمل معاه الطيب ميلن بعد ميل=قله الا ياجعل راسي فدن له[/poem]
وسلاااامتكم حميع
رد مع اقتباس
مواقع النشر (المفضلة)