هذى رآئعه من روائع حامد زيد
أعجبتنى وحبيت انقلها لكم
انشالله تنال اعجابكم:confused:
اقروها كلها لاتفوتون سطر تراهى من جد حلوه ^_*
:
ياكثر مارافقت خلان واحباب
ويا كثر مافي شدتي هملونى
على كثر ما اعدهم ستر وحجاب
على كثر ما احتجتهم وتركوني
من صارت الخوه ثمن حفنه تراب
نفس الوجيه الي نصوني نسوني
من غير ذكر عروق وفروق وانساب
كانوا ثلاثه ..والثلاثه جفوني
علمتهم وشلون الاهداف تنصاب
ولما سواعدهم قوت صوبوني
عشانى اصغرهم عمر صاروا احزاب
عشانى اصدقهم قصيد أظلموني
الي نجاح اسمى زرع فيهم انياب
حتى النصيحه مابغوا ينصحونى
دام العطايا عندهم دين واتعاب
والله لو اطلب ذنبهم ماعطوني
طالب نصيحه كنى مطالب رقاب
وهي نصيحه .. كيف لو زوجوني!!
كنت اكتب لنفسي مشاريه وعتاب
ولا ادري ان الي قروني قروني
تضاربت من دوني عقول ولباب
واجد بغوا غيري وواجد بغوني
اقفل هدب تسهر على شعري اهداب
كنى حبست رقادهم في جفوني
لو شفتهم واحد يشوفونى اسراب
من وين ما لدوا نظرهم لقونى
اثر وجودي بينهم محرق اعصاب!!
ومزعل بعضهم من بعض لو طروني
ياكبري بعينى وانا تونى شاب
واذا كتاب الشعر حاربوني
حتى ولو يهوي على نجمي شهاب
يكفينى ان اسمى كبير بعيونى
قد قال ابوي : ان هبتهم قول ما اهاب
لو يقدرونك قول ماتقدرونى
مادام قبري محتضن راس مرقاب
على كثر ماتقدرون ادفنوني
لومانيب بذيب كان انهشت عضمي ذياب
لو ماقدرت اثبت وجودي!! لغونى..
لو ماسكنت بوجيههم مت بغياب
لو ماعرفت امحى ورقهم محوني
ماجيت ابدبل كبدهم شعر وخطاب
لين ابدلم كبد الذى خلفونى
ياويل وجهى كن لدمع مخلاب
ماجف ماه وما استحى من طعوني!!
كل ماطرالي منظر مريب ومرتاب
كان الوحيد الي يحرك شجوني
قبله صلاه وذكر وخشوع وكتاب
وأمى على سجاده النور دوني
تدعيلي الله يفتح بوجهى ابواب
تتوسله بالشده يكون عونى
من كثر ماخفاقها بالدعى ذاب
صارت تحس ان زملاي اكرهونى
بشرتها يمه معى ربع واصحاب
مانى لحالي واجد الي يبونى
من يوم ماحاز قلمى كل الالقاب
قلطتهم في دفتري وحفضونى
الله وهبنيهم بنى عم واجناب
من يوم جيت اعجبتهم واعجبونى
واعجابهم فينى ماهوب ايه اعجاب
بأسوبي بشرحي بطرحي بلونى
لوقلت عن نفسي بشر صرت كذاب
لو قلت دمي من ذهب صدقوني
لو بيدهم كان زرعوا دربي اعشاب
لو بكيفهم يتشبهون .. شبهونى
من كثر ماصاروا من طبوعى قراب
حتى بلبسه شمغهم قلدونى
واجد دعونى واغلقوا دوني الباب
وكثار ناس ابكي لهم ما بكونى
لو طالوا الهدنى مناسيب اطناب
كانوا غلاتك من زمان هدمونى
مادام حطم فينى عيوب اسباب
جنبت عنهم مثل ماجنبونى
اصلا لو ان بخوتى شي ينعاب؟؟
ذبحت نفسي قبل لايذبحونى
انا لو يدي ماكست متنى ثياب
نذر علي لاقطع يدي من متونى
مو عيب اجى مدعوا ولا اشوف ترحاب
العيب!! لو انى رجعت ان دعوني
مادمت اجى ولا يحسبون لي حساب
حرمت اروح اذا يبونى يجوني
مواقع النشر (المفضلة)