تكفى طلبتك لاتخليني
جت في منامي وحزن الكون كاسيها
تقول تكفى طلبتك لاتخليني
احزانها بوجهها بانت مواريها
والدمع بعيونها النجلاء يبكيني
فالصوت نبرة حزن والدمع معميها
تقول ويش لون تبعد يانظر عيني؟
تلطم على خدها بكفوف يدّيها
وتبكي اتنهد وطاحت بين يديني
ضميتها صوب صدري وقمت اواسيها
قالت دخيلك منو غيرك يواسيني؟؟
قلت اآمري والاوامر لك البيها
والدمع لاتسكبه ياكامل الزيني
قالت:ابي تَرّجع المويه لمجاريها
ابيك ترجع تنور باقي سنيني
دنياي في غيبتك ضاع الفرح فيها
والبعد عنك ترى بالحيل مشقيني
واسترسلت في الكلام وصمتي يغريها
تقول في غيبتك ضاعت عناويني
أيام عمري بدونك وش لياليها؟؟
وأنا بليا غرامك ويش يحيني ؟؟
وهذا دليلي على هموم(ن)الاقيها
وقامت على صدرها تضم كفيني
تقول نبضات قلبي ارجوك هديها
لايتعب القلب أكثر يامضنيني
في غمرة الحكي مدري كيف احاكيها
واحترت من حزنهاواحترت أنا فيني
قاطعتها بالسؤال وكان يعنيها
معقول هالقد باقي انتي تحبيني؟؟
عني صّرفت وجهها وتاهت امانيها
وعن عيني اداري الدهشة وتجفيني
قالت دخيلك وصفحاتي ابطويها
وانسى الذي كان ما بينك ومابيني
لاصرت ناسي ليال(ن) حل طاريها
بموت المشاعر حبيبي من يعزيني ؟؟
لا واحسافه مشاعر حبي ابديها
وانته سؤالك قتل فيني المضاميني
وقَفّت وأنا واجم وعيني تراعيها
صدمة وذكرى وعمر(ن) مُر ومشيني
فزيت من نومتي وأنا اناديها
وياليتها ماصحت من غفوتي عيني
منقـــــــوله مع تحيــــــــاتي //أصـــــــــايل نجد
رد مع اقتباس
مواقع النشر (المفضلة)