ما الفـرق بينك وبين المشـاهيـر
السلام عليكم ورحمة الله وبركاته
أخواني أخواتي
كيف حال كل واحد بنكه ,, أربكم بخيـر .
بطرح موضوعي هذا ولي شفت منه العجب العجاب ...!!
موضوعي ظاهره المشاهير والفرق بيننا وبينهم ,, والاهتمام الزايد الي اشوفه لهم
انا طرحت هـ الموضوع بعد ماشفت عده آمور جبرتني نتناقش حول هذا الموضوع
يعني شخص نشوفه بـ التلفزيون ,, مانصدق ابدآ نشوفه بـ الواقع ,, ننصدم ونتفاجئ
بشوفتهم ونستغرب ونضحك ,, ونأشر عليهم .
كل هـ الامور شفتها والاغلبيه شافوها , وجربوها .
يعني بعطيكم عده آمور حصلتي انا شخصيآ .
انا قبل 7 سنوات كان عندي أحد الجيران وكان صديق الطفوله لحد سن المراهقه الى أن أشتهر , بعدها اصبح من المشاهير في الشاشات العربيه , وهو لاعب كره قدم
فـ تقابلت معه قبل فتره حوالي سنه او سنه وكم شهر .
فـ جلسنا مع بعض , وكنت اسمع عنه شاعات كثيره .
فـ سئلته بعض الاسئله ,, عن بعض هذه الامور التي تصادفك من الشباب والبنات , وشهرتك .
فـ قال لي , والله يـ إبراهيم قبل ماشتهر ان محد يلتفت لي ولا احد يعطيني وجه
أشتهرت الزبده وزادت شهرتي
فـ أصبحت لا املك نفسي
قلته ليه وكيف ..!!
قالي انا اول بدايه شهرتي كنت رايح مع اهلي السوق , يقول تخيل أقبلو على شباب ,, وانا مع اهلي واهلي حولي وجنبي ...!!!
فلان الفلاني ,, اهليين كيف حالك , ويقول عطيتهم ذيك النظره يعني استحو انا مع اهلي ..!!
وسفطوني ولا عطوني اهتمام ...!!!
وشافوني معصب , حبو يزيدونها علي شووي , قالو وربي انك فاشل اجل انهزمتم من المنتخب الفلاني ..!!!
ويمشون معنا وانا مع اهلي ..!!
يقول قفلت معي وسحبت اهلي وطلعت ..!!
وهذه احد المواقف الشبابيه ..!!
اما مع البنات عـد وغلـط .!!
قال تخيل كنت بأحد المجمعات , بـ بشتري غرض سريع وبطلع , ومسكوني بناات مراهقات .. وسحبوني على يدي ودخلوني محل كوفي شوب ,, وقالو بنصور معك , ويقول / تذكرت اني مشهور وصعبه أردهم ..!!
ووحده علي يميني ووحده على يساري ,, والتقط يـ صوره .
بغيت اطلع قالت المصوره وانا بعد ابي اصور معك بليززززز ..!!!
سكت ووقفت .. صورة معي وهي تصور خذيت لفه سريعه على الي في المحل , لقيت الكل يطالع فينا ..!!
وفيه بنات جاين على الطريق اتوقع ناوين يصورون بعد ...!!
المهم << الي كانت تصور تبي تصور معي لحالها<< يقولي قليله الحياء ذي البنت
ضمه يدي اليسار وارتفعت على شكل حاطه وجهها على وجهي
يقول انا مانيب فاضي آشعات قلتلها لو سمحتي ,, وممداني أبعد عنها
الا الهيئه طابه علينا ..!!!
وتسحبني
والبنات ورى الهئيه يقولون ترى حنا الي نادينها وخليناه يصور معنا << قويات عين بعد ^_^
ومسكوني وقامو ينصحوني .. ويقولولي انت انسان مشهور وتعرف الظروف , وتعرف ,, وتعرف .. قلت أبشرو بس والله بشتري غرض وبمشي .
ويقول عافت نفسي معاد ابي اشتري شيء ,, بطلع الى لقيت ذيك الأم تنااديني فلااان ياافلاان
تفكى بليززز ترى بنتي تموووت فيك ,, ممكن اناديها هي بذاك المحل بناديها وبجي لاتروح تكفا ..!!!!
يقول بخاطري اقول من جدها ذي العجوز ..!!!
ويقول والله وجاتني هي وبنتها وقبل مايجوني كانو يسلمون علي شباب ,, والأم تبي تصور مع بنتها لكن فيه شباب
قلت انا عاادي وش فيها مدامها جاتني أكيد مراح يهمها الشباب وبتجي جنبي هي وبنتها قدام الشباب وماعليهم من احد وبيصورون معي
يقول أستغربت منها أشوفهاا خجوله ومستحيه ومرتبكه .. قلت وليه ليكون انا ماهو رجال بنظرها
المهم تأشرلي الام والجوال بيدها والبنت حاطه يدها على برقعها وكانها مستغربه ..!!
المهم خلصت من الشباب وهم يستنوني قداام
قالت الام : ممكن ندخل داخل المحل ونصور ,, قلت اوكيه بس بسرعه لو سمحتي ,, الى لقيت البنت تكشف وتصور والأم موجوده ...!!
أنتهت
يقولي إختي طالبه بأحد المدارس الثانويه , كل يوم تجي عند أمي تبكي , تقول كل شوي تجيني بنت , تقول اخوك فلان الفلاني , الي تقول عندك رقمه , والي توريها صورتي معهم وشوفي,,,, و شوفي , يقول مادريت عن ذي الأمور الا بعدين, ومابيدي شيء
قلتله طيب وش الهدف تتوقعه من انهم يصورون معك أو مع غيرك ؟
قالي بنت تبي تكشخ عند بنت وتقول شوفي صورت مع فلان الفلاني او المغني الفلاني او الممثل الفلاني , والي صورت معهم هم الي راح يلاقونها بنت لاصقه فيهم .!!
وذكرلي أمور وقصص وخاصتآ خاصتآ عن البنـات ..!!
وكنت جاهل وعلى نياتي قبل مأ اشتهر ,, عقب الشهره شفت عااالم ثاني
ويقولي عاد لما كنا بأحد الدول الخليجيه صارتلي أمور تشيب الرأس ,, وربي أستحي اقولها او أذكرها لكم .
قلتله وش دعوى قالي والله يـ إبراهيم ان تمسك رأسك ,والله شفت عالم جديد وغريب ووسخ .
قلتله مو مشكله وخذيت وعطيت معه بـ سوالف لني من زماان ماشفته ,, وقلتله خلنا نروح نتمشى بـ الكورنيش , قالي فكني ياشيخ هههههه قلتله أجل خلنا نروح لقرب محل كوفي شوف بــ سياره , وناخذلنا موكا لاتيه على الطاير ,, قال اوكيه .
وحنا رايحين في محطه , يوجد فيها كشك محل جوفريز , طلبنا , وقلت بروح البقاله , قالي اوكيه .
على فكره جواله كل ثلاث ثواني يقولي عد ثلاث ثواني واتحداك اذا مادق ,, ويرن ,, ونضحك , و ............... .
رحت ورجعت لقيت حوله شباب بسياره ,, وأ شوف ثلاثه شباب كان بجهه الثانيه يبون يطلبون من المحل نفسه شافو, خوينا المشهور هذا نزلو يسلمون عليه ..!!!
شفت أشكالهم الا والله رجاجيل كباار ,, وأشوف عيونهم كانهم مو مصدقين يشفون شخص كان مثلهم وأشتهر ..!!
ويصورن معه ويسلمون عليه ويطلبون رقمه < صرفهم
قلت الله لايبلانا ,, بالله عليك تخيل لو جاك ذولا قبل ماتصير مشهور , ويسلمون عليك ويصورن معك هههههههههه ضحك قال ماتجي , الى بيقولن وش فيه ذا يطالع مشبه او بيتهاوشون معي ..!!
هذه عده أمور طويله وقصص ذكرتها لكم .
سؤالي .
ليش نستنقص أنفسنا اذا شفنا شخص مشهور , سوآ كان لاعب , او مذيع , او ممثل , او طالع ببرنامج مشهور , ونستغرب اذا شفناهم .؟
وشهو موقفك لشفت بنت او ولد يصورون او يسولوفون مع أحد المشاهير , هل مافيها شيء , او انك تستنقصهم ؟
هل اي واحد يطلع من خلف شاشه او كاميرا راح نسوي معه كذا ؟
ليش نتفاجئ لشفنا واحد مشهور ؟ ولو شفناه قبل مايشتهر مافكرنا نلتفت له ؟
يوجد منكم من شاهد مثل هذه الاحداث , ومنكم من كان يفعل هذه الاشياء, ومنكم من عنده اضافه , ومنكم من عنده معارضه , فـ الموضوع طرح للمناقشه ولمشاركاتكم .
:25ar: :25ar:
(مداخله شبيهه في النص .. وصل فينا الامر ,, ان مراقب بشات او منتدى معين , اضاف رد , او شارك بموضوع على أحد معين تلقاء الاخوان او الاخوات يستغربون افلان الاداري او المراقب رد علي..!!!
,, هذامثال بسيط جدآ ,في مجتمعناأو آمتنا تقريبآ تعودت على هذه الامور , فما بالكم بشخص مشهور ماذا راح يعملون او يفعلون , الي هي التقليل من انفسنا )
مواقع النشر (المفضلة)