اقوى دوام في الرياض (دوام الفضاوة والتحديات)( 1 2 3 ... الصفحة الأخيرة)
:28ar: [align=center]يا مرحبا ومسهلا فيكم كلن باسمه
السالفه بإختصار حصل لي موقف انا اعتبره شيئ عادي لكن من كان معي اعتبرني
وسيع وجه فالسالفه ان الشباب مسكوا هذي الحركه على على انها تدل اني وسيع
وجه هذي السالفه وابيكم تحكمون عليها .
مره من المرات كان احد الامراء ذات سلطه في الدولة ينتظر المصعد
وانا جاي ابي اعدي من قدام المصعد للباب في الجهه المقابله انا طبعا موظف
حكومي وكان معي متدرب . المهم وقفت بعيد انتظر يبعدون العالم اللي حولة
فجأة انتبه لي الامير اني ابغى اركب معه في المصعد فأمر اللي حوله انهم
يوسعون الطريق علشان اقرب منه واركب معه المصعد حتى قال بلسانه تفضل
ومد يده للمصعد وانا على نياتي اني ابي اروح للباب اللي في الجهه المقابله
ومشيت على طول للباب هو شافني جاي لعنده شكله قال اكيد هذا يبي يسلم
على فتجهز ومسك البشت بيدينه وانا مدرعم على طول ابي افتك من الزحمه اللي
حوله للباب اللي قدامي وتصدقون يا جماعه اني مريت قريب بالمره منه لدرجة انه
مد يده شوي لي وانا اشكل ادور الباب المهم عديته ولا كأني اعرفه حتى السلام
استغفر الله ماسلمت عليه باللسان طبعا وجاء بعدي المتدرب قعت انتظره لمدة ثواني
بعد ما عديت الزحمة سألته ليش تأخرت عني مع ان الطريق مفتوح لنا بين الزحمة
طبعا بأمر من طويل العمر رد على المتدرب وقال والله حركتك هذي مدري كيف
سويتها فأستغربت ؟ :18ar:
اي حركة قال طيحت وجه الرجال مد يده لك يحسبك بتسلم عليه وأنت مدرعم للباب
فأنا استحيت لانه كان يناظرني من بعدك فسلمت عليه . :39ar:
وهذي السالفه :confused: والمطلوب منكم ياشباب وياصبايا :59ar: انكم تعطوني
فكره عن الموضوع هل انا صدق وسيع وجه على قولة الشباب اللي عندي + البنات
علشان مايزعلون برضوا ولا هذا شيئ عادي وراجع لي ؟ :53ar:
الموضوع هذا طرحته بهذا المنتدى لانه عزيز على قلبي وأغلب اللي سمعوا السالفه
يتابعون الموضوع على أمل تلقي الحكم منكم على السالفه .
اخيرا آسف على الإطالة عليكم بموضوعي اللي مدري وش يبي بس حبيت أعلمكم إنه
أكثر من 40 موظف وموظفه(والله من زود الفضاوة) ينتظرون منكم الحكم على هذي السالفه .[/align]
المشاركة الأصلية كتبت بواسطة مهبول زمانه
مواقع النشر (المفضلة)