السلاموووووووو عليكووووووووو
أخباركووووووو ياشباب ياحلوووين وياصبايا يابشعين <<< وش رايكم بالكلمه ترى توني متعلمها هع هع
هذي سالفه صارت لي مع جهيران أو جهوري وفي روايه أخرى جه جه <<< إسم دلع هع هع
كان يامكان في قديم الزمان
كنت قاعد عند التلفزيون كعادتي الساعه5:00 بتوقيت بيتنا<<<<<تكفا ياجرنتش :lol:
ويدق الجوال<<<<البصمه ,وانقز ذيك النقزه اللي لساني لمس السقف اناظر الجوال:مهلوس يتصل بك:
مهلوس ترى هو جهيران بس أنا مسميه في الجوال مهلوس هع هع هع
انا: الو
جـهـيـران :هلااااااااااا ومسهلاااااااا
انا:اقول اخلص وش تبي؟
جـهـيـران:الـمـحـامـــي
انا:نعم
جـهـيـران:البس ثوبك وشماغك وتسبح واكشخ بامرك الحين<<<<<كل ذولي..واجد..
انا:ليه؟
جـهـيـران:تخبر صديقي الامريكي؟
انا:احلىىىىىى يا ولد تخاوي امريكان ولا تعلمني ..اثرك منت هين ..
مهلوس:بيجي اليوم الساعه 6:00
انا:وين بيجي؟؟
مهلوس:بيجي الشرقـيــه ويبينا نستقبله
انا:تخسي وتعقب
جـهـيـران:ليييييه؟
انا:انا مقاطع المنتجات الامريكيه يا خسيس
جـهـيـران:تكفا واللي يرحم والديك رح معي
انا:مستحيل ..اسمعني اقولك اياها من الحين ترى ان شفته فجرته<<<<<<ارهابي :04:
جـهـيـران:يرحم امك ترى ماابقى على الموعد شي
وبعد تفكير عميق وهاوجيس تحذف من يميني ومن شمالي ومن حولي ومن تحت رجلي<<<<<قطاوه مهيب هواجيس :witch1:
قررت اني اروح معه
جـهـيـران:هاه وش قلت بتروح ؟؟
انا:جعلك الريح اللي تروح عظامك اييه بروح بروح
جـهـيـران:خلاص بامرك الحين
انا:لا تتاخر
جـهـيـران:طيب
سكرت السماعه واطمر للغرفه واطلع الثوب والقاه اصفرررر يوم كنا نجربع ذاك اليوم
المشكله ماعندي الاهو
اتخذت قرار اني اروح للمغسله اللي جنب بيتنا واغسل الشماغ والثوب والطاقيه والعقال<<<<<يلعن ام المجاعه
رحت للمغسله وانا لابس سروال سنة وفنيله
وأقطها في وجه الهندي اغسلها مستعجل
شوي الا دتسن موديل83 يضرب بوري<<<<<<بوري مزكم
اطالع اللي يسوق داق الكوبرا ومتكشخ بس وجهه ماهو غريب علي
اناظر اناظر اناظر
جـهـيـران ياللهوووول وش هذا؟؟
تروشت؟<<<<<<<<<<من عيد لعيد يتروش
جـهـيـران:انت ورا ماتروح بيتكم وتلبس
انا:لاتنفخ بس ولا مارحت<<<<<<<<<يتغلى
ملابسي في المغسله..
يناديني الهندي.. نعم وش تبي...سوب سماق اقال تاقيه كلو كلاص
طيب كم تبي
اربيين<<<<<<<<<اربعين40
اربعين؟؟
ياللهوووووووول
جـهـيـران تعال ادفع
جـهـيـران:لا ما عندي الا فلوس العشا<<<<<<<<<طفرانين
لبست الثوب واخذت الباقي وقلت لجـهـيـران شغل السياره وادعس وانا باطمر في الحوض
قال ابشر<<<<<<<<<<يعجبك مطيع
وماهي الا ثواني معدوده الا وتسمع فقعة المكينه ويدعس وانا اطمر تشوفني تقول كابتن ماجد اذا طمر وانتهت الحلقه وقالو يتبع وهو معلق في الهوا<<<<<<<ياسخفك
شعور رائع احساس غريب ونسائم الهواء تلاعب براطمك كانك اللي في دعايه..ديو.. اللي رموه بالمنجنيق<<<<<ابوك يالثقافه
بعد ماانحشنا من راعي المغسله وعلى بعد 120 متر من المغسله وقف جهووري ونزلت عشان ازبط الشماغ
وادق بنت البكار واركب..
مشغلين عزازي طول طريق المطار<<<<<<ماعندهم الاهالشريط..
يوم قربنا من المطار اسمع صوت قلت لجهوري وش ذا الصوت
قال اي صوت
قلت اسمع اصقه أنت ؟؟
قال ايه سمعته
الله يقطعك هذا قلبي<<<<<<<<يلعن ام القلب طار مهوب قلب
قلتله وش فيك خايف؟؟؟
قال إي والله خايف <<< خايف لايمسكونه شكله إرهابي هع هع
دخلنا المطار وكل شوي وانا ازبط في هالشماغ تقول بزر ملبسينه جلال صلاة
قعدنا نستنا هالامريكي يطلع
شوي الا جانا واحد حمر عطر ...((هالوو مستر هاو ار يو ))
جـهـيـران منهو هذا؟؟
قال هذا خويي (جين كاما تارا )
جين كاما تارا مهوب صيني؟؟؟
قالي لا هذا مهجن ابوه امريكي وامه صينيه
سلمت عليه وقمت ارطن بالانجليزي اللي اعرفه يس نو اوكي بيباي
قالي ((وت يو لايك ان اميركا..))
قلتله والله انا مادري وش انت تقول بس على العموم كل تبن <<<<<<<<يعجبك
رحنا للسيار ونلقى المرور والسطحه بيشيلون السياره
وندعس عندهم..
خير وش السالفه؟؟
راعي الدوريه يقول ملزقين سيارتكم في خشه الباب وتقول وش السالفه ياليتها سياره سنعه راس مالها دتسن
*طبعا بعد الكلام هذا مااحد له وجه يتكلم.. لعبنا براس راعي الدوريه الين ماوافق يطلق سراح السياره<<<<<في الناصريه
الحين السياره غماره واحنا ثلاثه والامريكي شوي دب<<<<<لا والله مهوب شوي
قلت لجهوري انت انقز للحوض وانا بسوق والامريكي خله يتسفط يمين
قام يهايط ..سيارتي وشلون اركب في الحوض وانت اللي تسوق
قلتله ترى بروح بيتنا <<<<<<<<مافيه الا تحجير
قال بصوت رقيق طيب<<<<<حلوه رقيق
وكانت الساعه7:45
قرب اذان العشا قلت لجهيران يالله نروح المسجد نصلي<<<<<<يعجبك
قال و الامريكي وين نوديه؟
والله البلشه
قلت خله في السياره
قال اخاف ينحاش
وين ينحاش ياخبل وهو مايعرف احد حتى الظاهر يحسبنا خاطفينه<<<<<<<والله الدباشه
قال خلاص بس وقف السياره بعيد
اوكي
صلينا وخلصنا<<<<<<<تقبل الله
استنيت الخبل يطلع ورحنا للسياره
السياره مافيها احد
هذا اللي كنت خايف منه
ندور يمين شمال غرب شرق شمال غربي مالقينا<<<<<<توه دارس جغرافيا
في الاخير لقيناه تحت الكفر.... وش يسوي ماادري عنه
ركبنا السياره والمسيكين في الحوض كل من شطفنا ضحك عليه
رحنا للمطعم بنتعشى
دخلنا صاله الـــVIP<<<<<<مايمزحون
انا وجهوري طللبنا مقلقل قطاوه والامريكي طلب ككسلوب ماادري دكلسوب المهم حولها..
جا الطلب ماكلنا الا يوم شفنا طلب الامريكي وعرفناه
جا المقلقل.. بس وش مقلقل يعجبك مهوي زي السودانياللي في الحاره تشوفه تقول مسعبل عليه
انا اول مره اشوف مقلقل معه خيار
اي وش تحسبون VIP
خلص الامريكي وقام بيروح للسياره وامعطه مع خشمه وين يابو الشباب.. قطه قطه
وهو ماغير يوتوت ((وت وت وت ))
خليته يروح لعنه الله عليه
خلصنا عشانا ودفعنا الحساب
قالي جهوري والله مااركب في الحوض شف براطمي صارت كاانها بنطلون جنز
خل الاحمر يركب<<<<<<<طبعا مستحيل انه انا
ركبنا الامريكي في الحوض اثره ابن اللذين مستانس ولا قالنا من اول
مشينا في الطريق واشوف وراي واحد يكبس
طنشته ورجع يكبس الا ونسمع طقه في السياره
قال جهيران وش هذا<<<<<<خايف على السياره
قلتله الدفرنس
قال ايه اشوى
يسقط علينا واحد متلطم ومعه رشاش ويقولنا اللي جنبه وقف السياره
انا طنشتهم<<<<<<ايه هين
لا والله ماطنشتهم وادوس ابو ام اللي جاب الفرامل الين ماطلعت رجلي من الكبوت<<<<<<<والله من طول السيقان
جو مره ثانيه وانا اقول وش تبون يقول نبي التيس اللي في الحوض
*وفي هذا الوقت كان في شي يقطر ماادري وين مصدره بس الظاهر انه من اللي جنبي
المهم انا اقول اي تيس؟؟؟
مامعنا تيوس الا اللي جنبي
يقول اللي في الحوض وقف بناخذه ولا هوب صاير لكم شي<<<<<<معصي
وانا اسوق ولا ادري وش اسوي اعكس الشارع باروح شوايه اوقفلهم ابنسلق سلق
خلهم ياخذونه وافك نفسي
وجهيران ساجد في السياره تشوفه تقول قاعد يعد اصبع رجوله
وذولي يهددون بطلق النار
استرجعت الذاكره وقلت ابوك ابو ابوك الصوت ماهوب الدفرنس طلق نار
اكلم اللي جنبي مايرد ماغير يون كانه عجوز تولد
قالي بتوقف ولا لا
قلت ابوقف بس على شرط<<<<<<بتموت بعد شوي ماله داعي تتشرط
قال وش تبي قلت لا يجيني شي انا وخويي
قال طيب<<<<رجال
اكسر الطاره يمين واوقف ويوقفون قدامي
وينزل ذاك الجدار من السياره
ويسحبون الامريكي وهو يقول((وت وت وت وت ))
ويطلعون ذاك الساطور وينحرونه
قلت ما كن العيد جا بدري <<<<<<<<,ينكت الاخ؟؟
واحط رجلي وانا ماني مصدق اللي صار
حسافه فلوس العشا<<<<والله القعط
يقولي جهيران وش صار قلتله ماصار شي
قال الحمد لله<<<<<<<<خبل
خويك مات
قال بس وانا احسب انه ضاع <<<<<<<يلعن ابو الصداقه اللي كذا
انا من اول قايلك ماابي اروح معك بس وش نسوي صار اللي صار..
وانحشنا بيتنا وانا ماصدقت اللي صار..<<<<<<<<<تكفا يالحساس
وانتهت السالفه بس جهيران جته لحسه في مخه ما عاد يتكلم الا انجليزي..
_________________________
_____________________
___________________
_________________
وشووووكراااا على حسن إستماعكم
[/glint]
[/align]
مواقع النشر (المفضلة)