يا خوك همي هم وجروحي أجـــــروح
وشلون أبنسى والليالـي جروحـــــــــي
ضايق وانا من زايف الوقت مجروح
ومن لوعة الأيام عايـش بروحــــــــي
ما ودي أحكي عن همومي ولا أبوح
إلا لولي العـرش سـدي وبوحـــــــــــي
تخنقني العبرة على صوت مبحــــوح
وأكنــــهـا دمـــــعـه بعينـي تفـوحـــــي
وأحســــها دله علـى جمـر وتفـــــــوح
وتذوب من حر المعــــاليـق روحــــــي
هذي المواجع أحسبه يـوم وتــــــروح
أثر المواجع لا لفــــت مـا تروحـــــــي
حتى بنت في خافقي بـــــرج وصروح
عن قمتي ما سولفت لـك سفوحـــــــي
والنوح من نوح الحمامه على الـدوح
محدٍ عرف ليـه الحمامـه تنوحــــــــــي
مدري طرب وإلا من أحزانها تنــــوح
يااخوي قم ياخوي واصـدح بدوحــي
قصــــه مثيره في جسدهـا نفــــذ روح
يا للعجــــــب كم كنت فيـــــهـا لحوحـي
طفــــلٍ حياته لعـــب وصراخ ومـزوح
واليوم جد الجـــد مـا بـه مزوحــــــــي
أرســـــم وألون صورتي لون مفتـوح
وألقا غموضي في ملامح وضـــوحي
عجزت أبفهم قصتي درس مشـــروح
غايه تبـدد فـي مداهــــا طموحــــــــي
كلـــي طلاسم غامضه بوجه مفضوح
وأصد عن عين الفطين الفـــضوحـي
دقتنــــــي الأيـام مسمـار فـي لــــــوح
لين أرتكز مســـمارها وسـط لوحــــي
دنيــــا ظلام وليـل مـا بيـح البـــــــوح
والصبح في شمسه بخيل وشحوحي
شفت الفرح في ساحة الحزن مذبوح
منظر كئيـــب بحالـة الـذل يوحــــــــي
لا تسألوني ليه وشلـون "وشنـوح"
حتى أنا مدري ولا أبصر ولا أوحي
لا صار همي هم وجروحي جــــروح
وشلـــون ألملـــــم بالليالـي جروحـي
منقووووووول
ويارب تعجبكم
دمتم بخير
نديم الشوق
مواقع النشر (المفضلة)