قصيدة في الحكم
أرجوا أن تنال أعجابكم
مرقا العلا خطير عسير صعوده
ما يطلعه من لا تجلد على الكـــود
والبيت ما يـبنى بـلـيا عـمـوده
والحيف يزعل من عن الحق مردود
والحر يجزع يوم تطا حـــدوده
وتشرهه نفسه على الطيب والزود
ولا يشتكي من لا تضره لهوده
إن شاف جور الحيف والعدل مفقود
والوقت شفنا كل بيضه وسوده
وشفنا نهاره مع لياليه مضهـود
والغيم لو نسمع صواعق رعوده
لا ممطر وبل ولا هوب مريود
يا مدورين الطيب قيسو عدوده
والطيب عد بين الأجواد مارود
والناس بأرض الله تراهم شهوده
وحق بلا فعل على الرجل مجحود
والنذل حيلات الردى ما تكوده
واليا بغا الطولات ما يدرك الجود
عن المراجل قاصرات زنوده
طير العشا يصبر على كل منقود
الخيل ما تشكي مضاري بعوده
وبالقيض ما ركب النضا مثل صاهوده
يعيش في ديناه همه رقوده
ولا نفضنه قرح الخيل والقود
لا عل رحمة خالقه ما تعوده
وعساه مع زمرة هل النار بخلود
هذا زمان هايبات فهوده
والناس نادوا عنتره باسم مسعود
وأشوف لي رجل يعدد جدوده
لو أن أبوه وجده أضعف من الدود
كلت من المأطاء رواسي حيوده
واليوم شاش ولابس درع داوود
والنيص حط لهامة الراس خوده
عقب المذلة له طوابير وجنود
ماكن شي في زمان يكوده
شاهد بها الدنيا سلامات وركود
وحتى الغراب اليوم يفخر بجدوده
والفار بذراعه قطع كل بالود
والشري والحرمل تباهت وروده
وقامت تشيل غصونه الماس وعقود
وسلامتكم
قصيدة / الأمير محمد بن أحمد السديري
رد مع اقتباس
مواقع النشر (المفضلة)