كيف؟؟؟؟؟؟؟؟؟؟؟ ترفع ضغط المشرفين
كيف ترفع ضغط المشرفين
1) أدخــل اي منتدى واكتب أي موضــوع مال امه دخــل في هالمنتدى الموضوع في وادي والمنتدى في وادي
مثال : اكتب موضوع رياضي في المنتدى الإســلامي
ويفضــل لو تكتـب عليه (( ارجــوا التثبيـت )) يكون لها طعم احسن
2) خـذ لك موضـوع توه جـديد من أي منتدى >>> انسخـه واكتبـه بإسمك مره ثانيه في نفس المنتدى
ويفضــل تكتب عليـه ((( فكــره جديــده )))
<< هنا المشــرف يـدوخ.... مايدري وين المكـرر عشــان يحــذفه >>
3) لا تشارك في أي منتدى ولا ترد على أحد .. وبعدين أطلب من الإدارة تحطك عضوفعال أو عضو أداري وكل يوم أرسل تظلّم
إذا ماعطوك وجه ؟؟
<< صدقني اذا ماقالوا لك اقلب وجهك ... اضمن لك بيرقونك إلى (عضـو لزقه ) >>
هذي اعجبتني
7
7
4) اكتب موضوع في منتدى الشكـاوي والإقتراحــات (( الحقوني ياشباب )) >> طبعـا بيجيك المشرف طاير
واكتب في الموضوع (( واحــد صفــر )) وجيب صـوره واحــد يضحــك
5) شكّك في أي موضوع يـطرح في المنتدى .. في كل موضوع قول (( كأني شايفه في منتدى ثاني))
<< خلي العالم تــفهم أنه مسروق>>
6) ادخل على أي موضوع مثبت ... وأكتب عليه للرفع
<< في هـذي احسن لك تطلع بشويش بكرامتك قبل مايمزعونك >>
7) حاول ترد على المواضيع القديــــــمه >> اللي طالع الغبار منها >> والجديده خليها تنزل
<< كذا تقلب القسم حقه فوق تحت >>
شوف لك مشرف .........كل يوم إرسله رسائل خاصه تقـول له
وش رايك في ذاك الموضــوع... احـس انه ماصــل احذفه على شانـي ولا ذاك الموضـوع رهيـب ثبته على شانـي
<< هنا المشـرف يكره اليوم اللي خلـوه فيه مشــرف >>
9) دقق في إملاءات المشرفين... ورد عليهم فقط لتصحيح الإملاء ولا تجيب طاري الموضوع
وعندما تصـل حالة تهـورك إلى درجــة الغليــان فما عليك سوى :
10) عند تعيين أي مشرف جـديد ... أبدا تتكلم عن الواسطة وأنه ما يستاهل ولمح أن الإدارة ما عندها شي **
>> هــذي تغنيــك عن كل الوســائل اللي راحــت
والله يموتون قهر
(( ارجو التثبيت))
مواقع النشر (المفضلة)