:
.+.الذيبـ الحزينـ.+.
يا ذيب جر العوى وازعجه وين
وين العوى ياذيب صوتك عشقناه
جره وانا بهديك من القلب بيتين
نذكربها ياذيب قاف بديناه
ابذكر الخافي وماشافته العين
والي جرى للقلب من جور دنياه
واجاوبك بلحان حزن وعناوين
لين الدموع تفيض والهم نجلاه
الذيب لويشكي !!شكى هم ثنتين
اما بلاه الجوع أو قارصن جاه
لاوا هنيه يوم يرقى الجبل لين
ياصل طويل ويزعج الصوت بعواه
مير البلا منهو همومه ملايين
لوتنجلي مليون ملايين تتلاه
الهم في صدري كتب له دواوين
وان ماكتب يصعب على القلب ينساه
لوبشتكى همي للقضا المساجين
بر الجميع ومأبد السجن نجاه
حتى الرضيع الي على الوقت يومين
يشيب راسه خايف الدور ياطاه
وقتى كما الشعب المعنا فلسطين
والحظ له شارون وبانت نواياه
ياويل من حده زمانه على ثنين
حظ ردي ولا عضيد تناساه
صارت حياته تجتول بين نارين
نار الامل مع نار علم تحراه
ويالعنبو حر تلولس بلاسين
يصنع جميل ويحسب الناس تقناه
اشرب هماج لي تعانقت مقفين
والقى القراح ليا توكلت برضاه
عهد علي والعهد في وقتنا دين
لحزم صليب الراس ومافات بنساه
واشيل انا حظى فوق الذراعين
واصيح انا بالصوت يارب ممشاه
:
انشاللهـ تنال اعجابكمـ :confused:
مواقع النشر (المفضلة)