[align=center]قصيده رووووووعه للشاعر فهد المفرج



[poem=font="Simplified Arabic,5,black,bold,normal" bkcolor="transparent" bkimage="backgrounds/27.gif" border="none,6,orange" type=2 line=0 align=center use=sp num="0,black"]

انا داري واداري وانت داري=عن جروحي وظرفي واعتذاري
ولكن التغلي فيك عاده=وانا مليت من طول انتظاري
تسمع قول عدواني وتزعل=حذاري يابعد عمري حذاري
ترى العدوان نيتهم خبيثه=يجيبون الغداري بالقماري
تأكد قبل ماتزعل عليه=تثبت مثل مسلم والبخاري
الا ياطير صيدك لي تردا=علامك وانت صياد الحباري
انا والله خطير ومتولع=وجاري لي من الاحباب جاري
وعيني ماتنوم الليل كله=سهيرة طرف وتهل العباري
وانا اللي مابقى لي الا ثواني=من مجافاك واستدعي الطواري
يشوفون العلاج اللي يناسب=قبل يكشف علي الاستشاري
وانا عارف من اشكي له همومي=الى من صارت الدعوى جباري
اشاكي اللي يعرفون الموده=مثل عزام والا ابومشاري
رجال لانتخيت بهم شفوني=رجال افتخر فيهم واماري
ابشكي عندهم ظبي ظلمني=رماني بالمشوك والسواري
وخلاني طريح في حباله=اصوت مير مالي من مثاري
عليه الله واكبر كلما جا=مع العذال له ذكر وطاري
لعب لي لعبة الكوره وسجل=هدف محسوب في بابي كباري
لعب بي لعب ماجد فـ البطوله=غدى فوز البرازيل انتحاري
حذفني حذفة البايع بضاعه=وهو مغلوب وسط يدين شاري
يتل القلب مني تل طايش=الى من تل له جيب سفاري
مدلل واعذابي من دلاله=على سرقة قلوب الناس ضاري
غزال شايف نفسه علينا=تقول مرشح لمنصب وزاري
وله حق يتدلل ويتكبر=مادامه للجمال اصبح اداري
ولي حق اشتكي مادام قلبي =يحب الزين رغبه واختياري
وختم الشعر صلى الله وسلم=على محمد عدد رمل المذاري[/poem]



وهذا رابط بصوت ولد صغير ماشاء الله عليه القاء قوي لايفوتكم


http://www.geocities.com/darimania76...ari_W_Edari.rm



تحياتي لكم[/align]