هـب الهـواء هـب
السلام عليكم ورحمة الله وبركاته
هذي قصيده موجها لخوي الصغير كان عمره وقت كتابة القصيده سبع سنوات
ارجوا ان تنال اعجابكم
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
البارحه ياخوي هـب الهـواء هـب=واشوف مزن (ن) لاح برقه حدريـا
ليتك كبيـر اليـوم فالبنـز تركـب=ون مابغيت البنـز اخـذ الشفريـا
غير زيوت الزين ثم وقـف وعـب=عـب التوانـك فـل وزن الكفريـا
ثم عقبهـا اسـر مسـرى مهـرب=لامن سـرى يكفيـه نـور القمريـا
راب(ن) على الفزعه وطيبه تغلـب=على هـل النمـات واهـل الهذريـا
متمسك(ن) بالدين ومخلص(ن) للرب=لاكن حداه الوقت لـدرب الخطريـا
ابيـك تهربلـي غـرو(ن) مهـذب=حبه بـرى حالـي ياخـوي بريـا
توه صغيـر السـن ماقـد تحجـب=تو بانت النهديـن وسـط النحريـا
لاهو من عتيبه ولاهوب من حـرب=ولاقد سكن بيشه ولا عاش في رنيا
ولا من بني وايل ولاهوب من كرب=ولا داج فالبـران ريـم الحضـريـا
ولا جمع العيـدان وللنـار ماشـب=ولا بـرك القعـدان تـال النهريـا
ولا سامر البارات وللكاس ماصـب=ولا بان فالشاشـات عبـر القمريـا
جاني بلا مله وجيتـه بـلا مذهـب=وليل السهـر ولا وجانـا النهريـا
ان بانلـك وصفي ولا تعـجـب=لامن كبـرت تعيـد فـي النظريـا
وختامها ياخوي هب الهـواء هـب=واشوف مزن(ن) لاح برقـه حدريـا [/poem]
هذي القصيده اللي انا وجهتها له
وهذا هو رده عليها
طبعا انا اللي رديت على نفسي بالنيابه عنه او على لسانه مثل مايقولن
[poem=font="Simplified Arabic,6,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياللي تجر الصوت فـي راس مرقـب=وترقب نجـوم الليـل وتهـل العبريـا
جاب الهواء مرسـول خطـك مرتـب=جاب العنا والنـوح وكثـر السهريـا
تدري الزمن للبعد ولـو كـان قـرب=ولدري متـى تومـن بحكـم القدريـا
ولجلك ترى بالجوف تال الحطب شـب=ومات وطفى جمـره وهبـت شمليـا
تضحكبـي الدنيـا مــدري تلـعـب=ورتني نجوم الليل فـعـز النهريـا
لاشك انا بفـزع ولـو كنـت بتعـب=ولوني عبرت طريف وحـد السوريـا
ولـو ابتعـد عنكـم ولـو اتـغـرب=ولوني وطيت الشوك ودرب الخطريـا
ون كـان لاجيتـه نــادا ورحــب=ولا اخذته نهـب فـعـز النهريـا
فوق اللذي ماحط فالورشـه يوضـب=ابيض كمـا الغرنـوق فيـه اتمريـا
ودست الابنص وخليت البنـز يسحـب=لا ماحسـب للجمـس وراع الشفريـا
ولامن نشف ريقي من الزيـن بشـرب=من حمر الشفايف ولا من وسط النحريا
هـذا الوعـد منـي وبشايـة الـرب=لتسعد بشوف الزين وتنسـى القهريـا
ون بانـلـك علـمـي ولا تعـجـب=مـدري وكـاد العـلـم ولا هـذريـا
وختامها ياخوي هـب الهـواء هـب=واشوف مـزن(ن) لاح برقـه حدريـا [/poem]
كلمات البرواز
رد مع اقتباس
مواقع النشر (المفضلة)