[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياليل بان الصبح ياليل ياليل=وأنا معك ياليل للصبح سهران
حيرتني ياليل ليل ورى ليل= وجيتك معاني والهوى كله أحزان
ياليل غابت من تحب التعاليل=غابت وأنا عانيت لوعه وحرمان
ياليل باد الحيل ياليل بالحيل= ضميان حب ومن عشق صار ضميان
ياليل رافقتك على العدل والميل=وكل(ن) يلين وحضي اليوم مالان
ياليل عيني دمعها سايل سيل=هتان دمعي سال والدمع هتان
ياليل والله مابقى في يدي حيل=وانا معك والشعر ياليل خلان
ياليل أسولفلك بمركا المعاميل= سوالف(ن) ماقالها فلان وفلان
صبيتلك شعري بشقر الفناجيل= وقلطتلك أحلى المعاني والالحان
ياليل خلي غاب مع ظلمة الليل = والصبح بان وصاحبي مابعد بان[/poem]


للشاعرابن العم و المرحوم باذن الله خالد بن رجاء الشويش الخالدي

في تاريخ 3/صفر /1419