[ ماما ايش اليوم ؟؟ طيب اذا بكرا السبت أنا بيعورني بطني..وعيوني.. لاتصحيني أروح للمدرسه ]

* هشوومـ .. 7 سنوات.. لما طلبت منه أمه ينام بدري يوم الجمعه *


[ والله لأقول لأبوي يجيب لنا أم ثانيه أحسن منك ماتطقنا ]

* نيوفـ .. 6 سنوات .. لما ضربته أمه بسبب خطأ ارتكبه *

[ بابا ..سف حادي الحبله وس حاطه في وجهها ]

* خلوود .. 5 سنوات .. لما شاف أمه جاية من المشغل وكانت معزومه على زواج *

[ يااااااااااااااع ابعدي ياوسخهـ .. أنا ماأحبك .. والله إذا زوجتي حطت بشرعها زيت مثلك أطلقها]

* حموود .. 8 سنوات.. لما شاف أخته حاطه بشعرها زيت وجايه تكلمه *

[ مامااااااا .. بسررررررررررعه تعالي .. شفتي هذي العبدهـ اللي في التلفزيون
تشبه مدرستنا حقت الفنيه ]

* شوق .. 9 سنوات..

[ بابا.. ياحظه أخوي دحووم.. تزوج وصار عنده زوجه يتحكم فيها ومافي أحد يتحكم فيه.. وأنا مشواااار عشان أكبر وتخطبون لي وأتزوج ]

* فارس .. 8 سنوات.. ثاني يوم بعد زوج أخوهـ الكبير عبدالرحمن ..

[ والله ياجدوو إنت تشلخ ألينا كل مره تسوفنا تقول لنا بوديكم البقاله ولاوديتنا ولامره ]

* أسامه .. 5 سنوات.. يكلم جدهـ قدام 30 رجال ..*

[ بابا.. متى تفكنا من هالأم اللي كل مره تركب قدام في السياره حتى حنا نبي نصير جنبك ]

* دانه.. 6 سنوات .. و مصعب 5 سنين .. *

[ أنا اليوم حلمت إن في يوم جات خالتو عندنا بعدين رحنا نلعب رمل وماي بعدين سبحنا في
بركة خالو إن انتِ ياماما صار شكلك يخوف وجهك أسود عيونك خضر شعرك أصفر ومثل النخله
وبابا.. يروح البقاله بسرررعه يشتري حبل برتقال ويربطك فيه وبعدين يضربك عشان انتِ زعلتيني]

* غدير ..5سنوات .. وأحلامـ اليقظهـ .. اللي أتوقع إنها ماتفارقها نهائيا ..*

[ والله العظيمـ كله يطلعون ويخلونا في البيت.. إذا كبرنا والله بنطلع كل مكان وبنروح السوق ونطالع
في الناس ويطالعون فينا وماعلينا منكم وبنقفل الباب عليكم عشان ماتطلعون ]

* هديل ..7 سنوات .. قمر.. 8سنوات.. أحمد.. 6 سنوات..تركي 7 ..سنوات *

[ والله أنا ماثويت ثي هو البادي.. لا والله كذاااب كذااب هو أصلا .. هو أصلا .. كله يكذب هو طقاني]

* التوأمـ .. محمد ومعاذ .. 6 سنوات *

[ ماما.. هذاك الرجال ليس عنده لحيته بيضاء .. طيب ليه .. عشان إيش.. طيب ليش طويله]

* جواهر .. 4 سنوات *

[ لمن أكبر والله لأصير دكتوره وأعطيكم إبره كلكم أنا ماأحبكم كله تودوني عند الدكتور]

* رزان .. 5 سنوات .. وضريبة روحتها للمستشفى *

[بابا ثح ثارون كلب .. ثح هو كله يموت الناث.. ثح كله يطلع منهم دم ..أنا ماأحبه ]

* غيداء .. 5 سنوات .. *

[ عمووو .. أنا ماأحبك .. إنت ماتجيب لي أثكريم .. أنا أحبهم كووولبوووهم إلا إنت ..يا معفن]

زيوود .. 4 سنوات .. *

[ يمممممممممممه .. وسو هازا سبح .. يممممه زي كاسبر]

* عزوز .. 4 سنوات .. يأشر على عمة أبوهـ اللي عمرها فوق الـ70 لما شاف شعرها الأبيض *

[ بابا .. طيب شلون ماما تزوجت وخالتي اللي أكبر منها ماتزوجت]

* وديان .. 10 سنوات .. مأرقتها عنوسة خالتها ..*

[ والله مالي دخل .. بتجيب لي مثل إخواني.. واشمعنى هم.. بعدين كل صديقاتي عندهم إلا
أنا .. وشتبيهم يقولون عني فقيره.. بعدين أبي شي ازعط فيه عليهم ]

* مشاعل .. 11 سنه .. وتبي جوال ولا مش أي جوال تبي من أحدث الأنواع عشان ماأحد يعايرها *

[اوووووووووووف معقدين .. كل شي عندهم لأ]

*سلطان .. 14 سنه.. لما إمنعه ابوهـ من الروحه للراشد مع ربعه *

[ ياإلهي .. قسم بالله لأكسرهـ فوق راسها ]

* عبداللطيف.. 12سنه يبي يكلم تليفون .. أخته شابكه الخط إنترنت *

[ ييييييييييييع ياماما اليوم أبله هناء حاطه بعيونها شي أخضر مثل الجنيه ]

* عمر.. 5 سنوات .. ودقه وتركيز وقت ماهو في التمهيدي.. *

[ خلووود خلوود تعال تعال اسمع خلنا نشيل نعال الرجال ونحطهم كلبووهم في الحمام
عشان اذا طلعوا من المجلس يبون يروحون بيتهم يمشون حافي ..زهقونا كل جمعه يجونا]

* ياسر .. 7 سنوات .. وإظاهر منزعج من كثر الزوار اللي يجونهم يوم الجمعه ..*

الطفولهـ عالمهمـ الخاصـ ..ربما يقسون وربما يمرحون ..وأمور كثيرهـ قد يقترفونها فتسبب الأذى
أو قد تتركـ حساسية لدى البعض..
ومع ذلكـ كل مايصدر منهمـ ..يبقى رائعا" لأنهـ يمتاز
بالروعهـ والبرائهـ ..

.._.._.._.._..

قد تكون لطفولتهمـ بقيهـ ..

.._.._.._.._..