جنســـــــــــــــــــــــــــيتي
قصيده مناسبتها انني كنت خارج ارض الوطن وتقابلت مع شخص عربي
يعرف المملكه العربيه السعوديه ويعرف جميع قبائلها وجه لي سؤال انت
من قبلة كذا بدولة كذا طبعاً ليست السعوديه ولكن القبيله التي نسبني لها
قبيله عريقه توجد ايضاً بالسعوديه وبالدوله التي ذكرها
ثم رديت عليه بلحظتها بهذه القصيده التي امل ان تنال الرضى
اخوكم
عوض العتيبي
[poem=font="Simplified Arabic,6,black,bold,normal" bkcolor="transparent" bkimage="" border="double,3,limegreen" type=2 line=0 align=center use=ex num="0,black"]
جنسيتي تعرف ليا قلـت حرفيـن=من دار اخو نوره عطيب الضرايب
الدوله اللي شعارها حـد سيفيـن=مع نخلة بالعـز رمـز الكتايـب
فيهـا تربينـا وفيهـا مقيمـيـن=ومن خيرها نجني كثير الوهايـب
داراً تزعمهـا ملـوك وسلاطيـن=بالسيف الاجرب وحدوها غصايب
آل السعود اللي لهم نصرة الديـن=يـارب تحماهـم شبابـاً وشايـب
وقبيلتي تعرف على العسر واللين=عتبان لادقـت طبـول الحرايـب
الهم مرجحتن كفـوف الموازيـن=لو تنشد الاخصام حدر النصايـب [/poem]
رد مع اقتباس
مواقع النشر (المفضلة)