الحر الأشقر
[align=center]السلام عليكم ورحمة الله وبركاته
هذه قصيده بسيدي
صاحب السمو الملكي
الأمير فيصل بن خالد بن عبد العزيز
حفظه الله
[poem=font="Arial,4,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
القد هو والخد والنظرات والرمش الخطير = تقدر على ما قيل تستحوذ على أحساس الغبي
وأنا كياني في ثقه مابين شيخ وبين أمير = يعني على قول الرجال الطيبة أنفي أبي
أسجد لرب خشيته في صمت روحي تستثير = خشوع قلبي بس ماقصرت ثوبي لركبي
ماهو كبر والله وهبني من عطاياه الكثير = أدعوه وأصبؤ للمزيد إنه يحقق مطلبي
ماني غني أموال وثيابي تطرز بالحرير = أفقر عباد الله لاكني غني في مذهبي
إن طاب كيفي وإستمال الظل بعيون الهجير = أعَلم اللي يفهمون الشعر عن ذوق قصبي
أكتب وأنظَم بالقصايد بالطويل وبالقصير = لاشاب بحر القاف مع غيري أقول إله تهبي
بالنصح وإلا بالغزل والمدح محسوبك وزير = لاوالرثاء لاوالهجاء لا والوصف قل وش تبي
يعني بحر وأحفظ شعر قيس الملوح مع جرير = وأصدق بقولي والوعد لامن فتلت إلك شنبي
وأشوش لا شفت الأصايل في ميادينه تغير = اللي على الناموس في كاس المؤسس تلعبي
واهوى الهدد وقت الضحي وإلا بعد وقت العصير = قبل شعاع الشمس يستلفيه حضن المغربي
ياقام خرب الجول يتستر بريضان المحير = شاف الطيور مطلعه والموت يحبي له حبي
أربع حرار فاعله والتجربه في فرخ جير = هدوه مره واحده وأدلا على ولد الظبي
صيادته موت حمر وأمضى من السيف الشطير = ماكنه إلا سيف أبو تركي على الدم معبي
والحر الاشقر نظرته توصف على جم الغدير = شوفه يسر النفس وافعاله جنوني وطربي
هذاك ياشفته طرالي سيدي نائب عسير = فيصل سليل المجد هام الجود بالجود محبي
الله حباه من الدماثه بالخلق وجه منير = وإطلالته غيث السحاب اللي ربت قاعه ربي
أكبر دليل العطف والرحمه بشريانه تسير = أبوه خالد والخوال أرقى أصول المنسبي
اسهم سموه للمعالي دائما نسبه تشير = من المحيط الاطلسي حتى الخليج العربي
مفروض تكتب سيرته إنموذجا حتى تنير = عقل الشباب الدارسين بكل قسم ادبي
هذي وصايف سيدي لوسيدي فيها جدير = جل الخصال الطيبة لو سيدي ماهو نبي[/poem]
أخوكم
خلف بن عجلان[/align]
رد مع اقتباس
مواقع النشر (المفضلة)