[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ليتني ورع ٍ صـغـٌــيـر ماعرف غير الريال =ينـبـســط لا مــن لقاه .. وإن فـقـده يضيق باله
ولا بليت بحب بـنــت ٍ خــدها يزهاه خال =مـن مـفــارقـهــا عليل وحالتــي يانــاس حاله
ويوم شفت إني أسير ٍ بين حلمي والمحال=قلت : أنا بـحــلــم لعل أو عسى حلـــمي أناله
ليتها لي بنت عم ٍ .. أو تجـيلـي بنت خال =أو على أقــل حــالــــه .. لو تجيلي بنـت خاله
في خفوقي عشقها يطغى على حد الخيال=أعــشــقــها عشق بدو ٍ تعشق البـــر و رماله
أسـعــد الأيـــام معها عشتها بظل الوصال=والتـغــلــي والهجر يا ناس أنا مــــالي وماله
وأذكـر إنــه كل مــاجــابوا بها أية مجال =قمت أجر الـصــوت كني شايــــب ٍ فاقد عياله
وإرتـفـع صـوتـي أنادي ياعيال ويارجال =من لمح بدر التمــــام اللي ســــبق طلعة هلاله
لا مـهــا لا نـوف لا نــوره ولا حــتـى منال=زينهـا حتى دلـعــهــا فــي فلك يســـبح لحاله
هي وبس اللـي يلـيــق بـها التغنج والدلال=وغيرها من النــاس والله ما أســــر قلبي دلاله
آية ٍ سبحان رب ٍ صاغـهــا بـهــاك الجمال =أبدع بـتـصــويــرهــا رب الــبشر جل جلاله
من لمحها غض طرفه قال ماشاء الله وقال =ياصلاة الله على مـحـمــــد ثم صحبه بعد آله
وإن رجعنا لصلها مافيه داعــــــي للسؤال=بـدويـه أصـلـهـــا تــفخر به إن جابوا مجاله
خالـهــا شـيـخ ٍ يـهــابـونه صناديد الرجال =بالشجاعه والـكــرم والطيب ودروب الشكاله
أما أبـوهـا مزبـنـن للـــي عليه الوقت مال =فزعته دايـــم تـســـر اللي من ظروفه شكاله
وآهـنـي الـلـي مـلـكـهـا وإمتلكها بالحلال=ويتصــرف كـيـفـمــا أراد في غالي حلاله
وليتني ورع ٍ صغٌير ماعــرف غـيرك الريال =والله إني ماأرخصك يانور عيني في البقاله[/poem]
مواقع النشر (المفضلة)