[ALIGN=CENTER]إخواني و أخواتي أعضاء منتديات الـزيـن .
كل عام وأنتم بخير .
أقدم لكم إحدى بنات أفكاري واللتي أتمنى أن تحوز على رضاكم . [/ALIGN]
[poet font="Simplified Arabic,4,black,normal,normal" bkcolor="black" bkimage="backgrounds/20.gif" border="none,4,gray" type=2 line=200% align=center use=ex length=0 char="" num="0,black" filter=""]
لاتـذرف الدمعـه ولا تتعـب الكـوع = إليا متـى موقـك مـن الهـم واعـي ؟
في كـل محجـر عيـن للدمـع ينبـوع = مهمـا حصـل ماظـن للدمـع داعـي
ريّح ملائكتـك تـرى الخيـر متبـوع = بـدري علـى العـذال تلـوي ذراعـي
بعيونهـم لاجيت..شافـونـي جـمـوع = وإن غبت .. كلٍ يجتهـد فـي ضياعـي
لا..لا يهمونـك حـثـالات وفــروع = أمشي وتاطى الرجـل رووس الأفاعـي
لـو كـل رجـالٍ ليـا قـال مسمـوع = ماكـان فالدنـيـا رعـيّـه وراعــي
ولو إن قلبي من هـل الحكـي مفجـوع = قطعـت جسمـي عيـشـةٍ للسبـاعـي
ودام السبب عذّال... لا تـذرف دمـوع = تكفـى .. توفرهـا للحظـه وداعــي
لحظه تجي بالغصب والاّ تجـي طـوع = دام الـنـوى حلـيـف للإجتـمـاعـي
إضحك .. ترى كل شي لرضاك مشروع = لـو هـو سبـب تغريبتـي وإلتياعـي
الاّ الكرامـه ...لا .. مثنـي ومربـوع = كرامـتـي ماتشـتـرى ولا تبـاعـي
شربت كـاس العـز قرطوع..قرطـوع = ليـن إرتـوى منـه الجهـاز المناعـي
ونفـرت ذل الـراس بالكـم و النـوع = مـن موطئـي لآخـر خلايـا نخاعـي
واليوم .. متني متن وضلوعي ضلـوع = وآرائـي أبنيهـا بحـسـب إقتنـاعـي
أما تجـي والـراس شامـخ ومرفـوع = والاّ طويـت مـن المحبـه شـراعـي
لكـن بلغهـم... تـرى حبّـة الـكـوع = تهون .. مـع مشـروع لوّيـة ذراعـي
[/poet]
[ALIGN=CENTER]وســـــــــــــــلامتـكم
ابـن العـــــــــز[/ALIGN]
مواقع النشر (المفضلة)