آخر كتاباتي
[align=center]السلام عليكم اخواني اخواتي
انا حاب اطرح عليكم هذي القصيده وانشالله تحوز على ارضاكم واعجابكم
قلت : غمض عيونك !! قال : وش لون اشوف ؟!
قلت : شفني بقلبك.. قال: راي صويب
يوم غمض عيونه قلت له : وش تشوف؟؟
قال: اشوفك صباح قبل يشرق يغيب
قلت : فتح عيونك زدت خوفي بخوف !!
واشقااااي وضياعي كان هذا النصيب
كل ليله وطيفك في خيالي يطوف!!
لا بعيد بعيد ولا قريب قريب
كل ليله وجروحك وسط صدري ضيوف
وانت من قبل تنزف اجروحك تطيب
ياطعون الليالي طال ليل الوقوف
لاذبحتن قتيل ولا عتقتدن صويب
بين صدمه خوي وبين طعنه (( هنوف ))
رمح الاوجاع فيني كثر ما اخطى يصيب
وانت يالي تعذر للقا بالظروف
لو تعايش همومي كان راسك يشيب
اطعن الصمت آه وتسكن آلاه جوف
وازعج الصوت واسمع للمواجع نحيب
آه ياكبر خوفي لاغدى الصبح خوف
وآه من جرحك اللي حالف مايطيب
عند ذنوب القصايد اعتذر للحروف
دام صارت حياتي مثل راحل غريب
وسلامتكم واسمحولي اني طولت عليكم[/align]
رد مع اقتباس
مواقع النشر (المفضلة)