حبيبيتي توفت
جاني اتصال ونغمته صوتهـا شيـن قالت الـو بصـوت يبكـي حزينـي
عامر وهْي تبكي وانا أقول بعديـن قالت حبيبك مـات واشيـب عينـي
شهر أربعه يوم الأحد ليـل الاثنيـن في حـادثٍ مـا بيـن داره وبينـي
كانت تبـي لقيـاي ومحـدده فيـن وأنا انتظر متهى علـى الله تجينـي
كانت تقول ابغى القـاء بينـا بيـن كله مشاعر شوق لـك يـا ضنينـي
كانت تقول أحلـى لقـاء للمحبيـن لا صرت أبيك بشوق وانتـه تبينـي
كانت تقول اليـا لفيتـك بعـد بيـن ابيـك يـا كـل االغـلا تحتويـنـي
كانـت مشاعرنـا كبيـرة عناويـن وكان القاء يحكي عطـا عاشقينـي
والحين فـي لحظـه عليـه تدقيـن مدري من انـتِ بالخبـر تقتلينـي
يــدق جـوالـي وارد وتقولـيـن عامـر حبيبـك مـات وتقفليـنـي
لا ياعيونـي كيـف بعـده تناميـن ولا يـا دموعـي كيـف بتغسلينـي
ولايا حياتـي كيـف بعـده تهنيـن ولا يا زماني وش بقى مـن انينـي
صدمه وخلتنـي سـوات المجانيـن من دون ما اشعر صرت ماني رزيني
ركضت وازاحـم جمـوع المصليـن والهـم ودمـوع القهـر تعترينـي
لا تغسلونه سدر من ماء الرياحيـن والا من النرجـس مـع الياسمينـي
لا تدفنونـه بأدفنـه داخـل العيـن بأغمض عيوني على نـور عينـي
ركضت ليني جيتهـا قلـت تكفيـن قولي احبك يـا الغـلا واحضنينـي
تكفين قولي ما بعد متّ يـا حسيـن تكفيـن قولـي لـي كـذا ريحينـي
والا خذيني معـك بأمـوت هالحيـن تكفين فـي قبـرك معـاك ادفنينـي
ما عاد ابا الدنيا وانـا فاقـد اثنيـن حبيبتـي وقلـبٍ ذبحْـه الحنيـنـي
ما ابغى الحياه الي بها فقـد غاليـن ولا ابغى الزمان الي عمى ناظرينـي
انا اشهد اني ذقتك منـك الامّريـن يا وقت وش باقـي تسويـه فينـي
دايم وفي صدري من الهم رمحيـن وشاعل لهيب النـار زفـرة كنينـي
مدري اجيه منين والا علـى ويـن وأكّمـل المشـوار ثـم يقتفيـنـي
سعادتـي والحـظ عنـي مقفـيـن واكبـر دليـل انـه بعَـد والدينـي
فقدت من تسوى جميـع المزاييـن ماتت وخلتنـي عسـى الله يعينـي
ماتت وانا ماني مصـدق ل هالحيـن وأضحك على نفسي واقول بتجينـي
وأقول والله كنت اقول اْلهـم تجيـن وأحـس بكفوفـك علـى راحتينـي
وأشوفك بعينـي واضمـك وتبكيـن وامّسـح دْموعـك بأنامـل يدينـي
واقول لك من قبـل لأنـتِ تحاكيـن تكفيـن ثـم تكفيـن لا تتركيـنـي
وأواعـدك وتواعدينـي بوعـديـن مـا تتركينـي ودائمـاً تعشقيـنـي
صحيت من حلمي وانا بيـن كفيـن سريرٍ ابيض ضايـقٍ مـن ونينـي
حولـي دكاترتـي يجـون الثلاثيـن والنبض ينقـص لا بكـت مقلتينـي
الحين تـو الحيـن ايقنـت بالبيـن من يوم جت صورْتك فـي دمعتينـي
ويومي طلعت وجيت بين المصليـن قابلت ابوك وقلت وووا شيب عينـي
وش رايكم هذي القصة يقولون انها حقيقية بس مدري لفين وصلو بالمصداقيه ولكم جزيل الشكر ......:23ar: :23ar: :23ar: :23ar: :23ar: :23ar: :23ar: im6 im6 im6 im6 im6
مواقع النشر (المفضلة)